احببت من لا يبالي

part 16

عـوُنهه الشـافَـگم
يأغـلى الاحبـاب
وَمـر مـن بابكم
وأشـتم التـراب .

(احببت من لا يبالي)

‌                   (الـ part 16)

لتنسون التصويت + المتابعه للحساب والتعليق بين الفقرات

ـــــــــــــــــــــــــــــــــــــــــــــــــــــــــــــــ

زين:- فتحت عيوني ما اشوف شي ضباب اريد اشيل ايدي افرك عيوني ما اكدر توجعني حركت ايدي كامت توجعني بالزايد كمت اون من الالم اسمع ايد لزمت ايدي واسمعها تحاجيني هاي براء اي هاي ايد براء رجعت غمضت عيوني وفتحتهن اباوع البراء واكفه فوك راسي... بتعب براء

براء:- بلا وعي بدموع يا روح براء كلي تريد شي

زين:- اني شجابني هنا

براء:- صار انفجار يم العيادة مالتك

زين:- تذكرت.... حلكي يابس

براء:- كمت ركضت جبت مي ماكدر اكعده حتى يشرب خليت بالكلاص شويه وقطرت على شفايفه حتى يترطب حلكه

زين:- بعد

براء:- رجعت انطيته شويه لزمت ايده بستها حسيت جسمه قشعر

براء:- اباوعلها شلون مقهوره معقوله كل هاذ على مودي اخخخ يابراء كلما احاول ابعدج عني خطوه تقربيني الف خطوه

براء:- دخل دكتور وياه دكتوره مشفتها البارحه... فحص زين

الدكتور:- تسمعني زين

زين:- اي

الدكتور:- فحصت عيونه جاي تشوفني زين

زين:- اي

الدكتور:- حاول تحرك رجلك

زين:- حركتها صحت اخخخ

الدكتور:- رجلك مكسوره لتتحرك هواي الحمدلله على سلامتك وضعك تمام التمام مثل ماتوقعت سبع مابيك غير العافيه

زين:- بتعب الله يسلمك

اسراء:- عندك العافية دكتور من سمعت بيك كلبي وكف

زين:- الله يعافيج

الدكتور:- يلا عن اذنكم تعالي دكتوره

جهاد:- رحت بسته الحمدلله على سلامتك ابني

لؤي:- عندك العافيه حبيبي ابو الزون

زين:- الله يعافيكم

جهاد:- ها بروئه مو كلتي من يكعد زين ارجع يلا خلي لؤي يرجعج

زين:- بألم باوعتلها ليش انتي من شوكت هنا

براء:- من البارحه

زين:- خزرتها وبتي هنا

براء:- اي

زين:- بألم شلون تجين لهنا وانتم شلون تخلوها تجي