مِثل ظِلك چِنت بلخطوة
نِمشيّ أثنين ؟
ومِشيتّ أنتَ بظلامّ
وضيّعِت ظِلكّ .
(احببت من لا يبالي)
(الـ part 5)
مهم:- لاتسنون التصويت + المتابعه للحساب والتعليق بين الفقرات ؏ـمࢪيہ
꒷٠꒷⏝꒷۰꒷⏝꒷۰꒷⏝꒷۰꒷⏝꒷۰꒷
صباحا
كعدو بيت جهاد يستقبلون يومهم منهم كعدو بابتسامه مثل مريم الي جانت فرحانه بجيت ابنها واكتمال عائلتها ومنهم الكعد متشائم مثل زين اكيد
براء:- كعدنه اني ونجمه بدلنه اخذت منها دشداشه مارونيه بس شطولها تسحل لبست شالي ونزلت شفت خاله مريم دتحضر الريوك هي وشمس وجميله والولد طالعين همه وخالو للشغل اجيت اريد اساعدهم مقبلو فكعدت انتضرهم يخلصون من خلصو بدينه ننقل الاكل اثناء مداخلي الاكل شفت هذا الي اسمه زين نزل لابس بجامه سوده وتيشيرت اسود حاضر متونه وكعد بدون ميكول حتى صباح الخير هذا شبيه عافس وجهه اجو كعدو واني رحت كعدت يم نجمه بدو ياكلون واني استحي اكل اكلت شويه وكمت
مريم:- وين خاله مااكلتي
براء:- لا خاله شبعت
نجمه:- واني هم شبعت تعالي اراويج البيت البارحه ما راويتج اياا
براء:- اوك
رحنه نشوف بيتهم يجنن متكون من ثلاثة طوابق الطابق للارضي بيه صاله والاستقبال والمطبخ والمخزن والطابق الثاني بيه غرفهم عددهم 8 غرف والمرسم مالت هذا المعقد والطابق الثالث احلى شي بالبيت صاله رياضه ومسبح ماشاء الله يعني البيت خرافي بمعنى الكلمة
النوب نزلنه نساعد خاله بالغده كالت حتسوي دولمه وسمج لأن زين يحبها يبوووو هم دولمه شلون بيه اني ماحبها اووف اجو خالو و اولاده
زين
صارت الدنيا الضهر اجو ابويه و الولد واني و الولد رحنه كعدنه بالصالة وابويه راح يرتاح لبين ميكمل الغده نزلت هاي الي اسمها براء راحت للمطبخ فكال قصي
قصي:- لك شوف خرب يومج على هل جسم مال م....
زين:- هاي عليمن هل حجي
قصي:- على هاي الطركاعه براء ولكم باوعو الجسم والبياض فوكاها لابسه ماروني اويلي
زين:- بحده تادب واحترم نفسك متستحي تحجي هيج جم مره كايلك بطل تباوع على اعراض العالم باجر عكبه يباوعون على عرضك
قصي:- هاي شبيك هسه شكلت اني
زين:- سؤال تقبل احد يحجي على نجمه هيج
قصي:- اكيد لا
زين:- جاا اكل تبن ولتحجي باعراض العالم
قصي:- شو خلي اكوم احسن اني صوجي كعدت يم واحد عقده مثلك
