احببت من لا يبالي

part 24

أمَس مَا مريت بيّه
راح أتانيّك اعله باچر
أخاف بَاچر مَا تجينِي؟
عگبَه منصُوبه الچَوَادر .

(احببت من لا يبالي)

‌                     (الـ part 24)

لتنسون التصويت + المتابعه للحساب والتعليق بين الفقرات

ـــــــــــــــــــــــــــــــــــــــــــــــــــــــــــــــ

جميله:- بس الصراحه زين خوش ناقشج نقش براء انشاء الله منا الباجر نسمع خبر حملج بتوم

براء:- انصبغ وجهها بنات كافي شنو هاي

شمس:- ههههه بنات كافي لضوجنها ترا هسه يجينه زين

براء:- يووو شمس النوب طلعتي انتي

البنات:- هههههه

دارين:- خير شو فرحانات وتضحكن ضحكني وياجن

نجمه:- هيج ماكو شي تعالي ساعدينه بالصب

دارين:- لا اضافري يتكسرن

نجمه:- كلنه صبي اكل مو اغسلي مواعين بطلي تنغوص

جميله:- بشرفج مو نجمه خوله نمبر تو

براء:- ابتسمت... صبينه غده ونقلنه الاكل بقى ماعون واحد رحت اجيبه ردت اطلع... شويه دارين استغفر الله ربي اروح منا تجي منا اخر شي وكفت... تفضلي دخلي.. دخلت اجيت اطلع ضربتني بمتنها وكع الماعون تكسر بالكاع

دارين:- شجاج غير تنتبهين

براء:- غير انتي دفعتيني

دارين:- النوب تتبلين عليه صدك متستحين

مريم:- خير شبيجن

دارين:- عمه وكع الماعون وذبتها براسي

براء:- اني؟

دارين:- لا امي

مريم:- خو ماتعورتي يمه

براء:- لا خلي المه ميصير يبقى بالكاع رحت طلعت المكناسه كنسته وذبيته بالزباله غسلت اديه وطلعت كعدت بمكاني

زين:- انطيتها خاشوكه وصبيتلها مي.. يله اكلي

براء:- شكرا

زين:- واجبي... خو ماتعورتي بالكزاز

براء:- لا

زين:- خوش

براء:- اباوع الدارين تخزر بينه باوعتلها صفح ورجعت اكل حقيره جذابه كملنه اكل وغسلنه المواعين وصعدت الغرفتي اني وزين ثنينه منعسانين كعدت على القنفه اباوع تلفزيون اجه كعد على نفس القنفه وخرت رجليه

زين:- لزمتهن ارجعي تمددي

براء:- كمت خليت راسي بحضنه ونمت

زين:- يلعب بشعرها... مافكرتي بالهديه

براء:- لا بعدني ماعرف اصلا شنوو اطلب