وَ بلَهجه عراقيه يگول :
المايجيك بّلَهفه
ليـش تتلَهف عليه
شبيك تنطيِ الماي
للشابع مطر ؟.
(احببت من لا يبالي)
(الـ part 11)
لتنسون التصويت + المتابعه للحساب والتعليق بين الفقرات
ــــــــــــــــــــــــــــــــــــــــــــــــــــــــــــــــــــ
براء:- راح زين يرتاح وانا اخذت غسولاتي واشيائي رحت للحمام دخلت الحمام واو كلش حلو واسع واحلى شي البانيو جبير ترست البانيو مي دافي ودخلت بيه.... الله احس عظامي فرقعت من الراحه ظليت فتره بل بانيو وطلعت البرنص زين نايم ما راح يشوفني... طلعت ركض لبست قفطان مغربي اوف وايت وجففت شعري وكعدت اخلي مكياج خفيف بس طوخت الحمره شويه وطلعت شال اوف وايت خليته على صفحه حتى من يصحولي البسه كعدت اكلب بالتلفزيون على ما يكعد زين ورا ساعه تقريبا اجت نجمه
نجمه:- براء تكول امي تعالوا نزلوا الناس كلها اجت
براء:- اي هسه اكعد على زين وننزل... طلعت واني دخلت للغرفه.... زين زين
زين:- بنعاس شتريدين
براء:- اكعد خاله تكول اجو ناس خلي ينزل
زين:- اي كايم حضريلي ملابس بين ما اسبح
براء:- ليش
زين:- شنو ليش
براء:- ليش اني احضرلك ملابس خو انت طلعهن
زين:- بخزره ماسمعت شنو كلتي
براء:- هاا كلت شنو اطلعلك ملابس
زين:- بنطلون وقميص ومن اليوم تنفذين طلباتي صارت مسؤوليتج..... بأستهزاء باعتبارج مرتي يعني..... وعافها ودخل للحمام
براء:- رحت اطلع ملابس فتحت الباب الاول هاي قوط سديته فتحت الباب الثاني شفت قمصان مرتبهن حسب تدرج الالوان من الاسود ونازل طبعا ملابسه كلها غوامق اي لون شبابيه ما عنده طلعت قميص نيلي ورجعت طلعت بنطلون بيجي.... خليتني على الجربايه ورحت على ميز التواليت البس شالي انتبهت الميز مليان عطور هاي شيسوي بكل هالعطور
زين:- شنو هالسؤال الغبي هذا شسوي بيه مثلا
براء:-فزيت على صوته اباوع هم طالع بالمنشفه ما يخاف توكع هو يمشي هذا شبي ميفكر شلت راسي لكيته كبال اخترعت ورجعت ليورا
زين:- بنبره حاده امسحي الحمره
براء:- والله خفيفه ممبينه هواي
زين:- ببرود تمسحيها انتي لو اني امسحها
براء:- بخوف لا لا راح امسحها
زين:- اخذت ملابسي وبدلت..... انتظرها تكمل حتى نطلع..... شووو تعاي
براء:- اجيت
