احببت من لا يبالي

part 46

احرگني حيل تعودت
ماحبك إلا من أحترگ .

(احببت من لا يبالي)

‌                   (الـ part 46)

لتنسون التصويت + المتابعه للحساب والتعليق بين الفقرات

ــــــــــــــــــــــــــــــــــــــــــــــــــــــــــــــــــــــــ

براء:- ابتسمت اجمعين حبيبي

ــــــــــــــــــــــــــــــــــــــــــــــــــــــــــــــــــــ

ثاني يوم

نجمه:- كعدت اليوم واني ناويه ارزل محاسن رزاله عدله شلون تضم عليه هيج موضوع عود هاي اني صديقتها اخذت موبايلي داكه عليها بسرعه فتحت خط ام بطن... الوو

محاسن:- لحضه لحضه خلي اتأكد من الرقم هاي انتِ نجمه ماصدك منج من الشيطان تخابريني كل مره لو اني اخابرج لو انتِ أصلاً ماتسألين

نجمه:- اولاً انجبي وصوتج ماسمعه فهمتي حيوانه

محاسن:- تاكل باللفه... وقزرقط جاا شعندج مخابرتني اذا ماتريدين تسمعين صوتي الحمدالله والشكر

نجمه:- ليش ماكتيلي عندج علاقه ويه سجاد هاا حقيره كلبه جاوبيني هي هاي الصداقه مع الاسف عليج

محاسن:- نزلت اللفه خرب يومك سجاد سواها صدك وكللهم... احمم نجمه حبابه لا تفهمين غلط تره والله اني ماعندي علاقه ويه سجاد مثل الي ابالج بس هو جاوبني اكثر من مره من جهازج وبعدها كام يتردد للجامعه واني الله شاهد اصده ووره حوالي شهر اخذ رقمي منج وكلي هو معجب بيه ويحبني والله اني مانطيته مجال بالبدايه بس لمن تعرفت عليه وشفته خوش ولد وشخصيه حلوه فوك كل هذا صاك وتدرين بيه اخرب على الحلوين فماكدرت اسيطر على مشاعري وحبيته حبابه لا تاخذين فكره غلط عني تره والله اني مو وحده موزينه وصدك احب سوالف والله ماجاي العب عليه

نجمه:- لج انجبي شنو تعلميني بيج اني ماضايجه من علاقتكم بالعكس فرحانه كلش بس ضايجه لأن ماكتيلي عوفي انُ اني اخت سجاد اني صديقتج المقربه شلون تضمين عليه هيج شي

محاسن:- مو خفت تاخذين عليه غير نظره ففضلت انُ ما احجيلج لحد ما البارحه سجاد فاجأني وكلي ابلغ اهلي راح تجون تخطبوني اليوم

نجمه:- تصدكين شكد فرحانه يعني من راحت هالنازك ولليوم الدنيا تزخ علينه فرح اول شي حمل مرت زين وهسه ارتباط سجاد بيج ياربي شكد فرحانه

محاسن:- يعني هسه انتِ مامعترضه على ارتباطي بسجاد

نجمه:- طبعاً لا أصلاً اكثر وحده تناسبه انتم ثنينكم اغبياء ومفاجيع يعني طنجره ولكت غطاها

محاسن:- رجعت اخذت اللفه الله لا يوفقج وكعتي كلبي وعبالي ماموافقه واني صارلي ساعه اتمسكن حتى اقنعج