My Shining Star By S Khan Writer

My shining star Part 9

Aur tum mujhy yeh batao ab hadi rooh sy kehta...rooh apny hath ki ungli apni teraf ker ky hadi sy pochti kya mein? Jis per hadi han mein sr hilata...

Han bolo? Yeh tum kal us larky ko itna ghor kue rehi thi khabi koi pyaar larka nhi dekha tum ny? Hadi rooh sy kehta..

Nahi....isi liye toh us ko asy dekh rehi thi...rooh bhi besharmon ki terah jawab deti..

Kue hum shuba sham balky 24 ghanty tumhary samny hoty hain...han toh tum humein toh asy nahi dekhti kabhi nofil jal ker rooh sy kehta...

Tum logon ko ghor ky dekh ker mein ny raat ko darna nahi hai... meri toh ankhein mujhy sy cheekh cheekh ker bolti ky Malkin zara reham ker lein hum per hum buri cheezain Zaida dair nahi dekh sakty...rooh ky jawab per teen us ko kha jany wali nazron sy dekhty ....kya hai asy kue dekh rehy ho teeno sach karwa lag gya?

Agr tum teeno itny khubsurat hoty toh ab tak single na hoty....batao zara mujhy aj tak aik lerki na pata paye tum log....Rooh filhal in teeno ko agg laga rehi thi aur is ki baat kafi had tak apna kam ker chuki thi...

Duniyan ki wahid behn ho gi tum rooh jo apny bahion ko lerki na patany ky tany deti azalan rooh sy kehta...

Yeh sach hai tana nahi hadi ko hi dekh lo London mein reh ker bhi koi gori nahi mili us ko kya faida itni body aur pyaary hony ka jab tum teeno ny single hi rehna...

Chalo tum ny mana toh hum pyaary hain...nofil ny apny matlab ki baat uthai...han zahir hai mery bhai ho pyaary toh ho gay na tum teeno rooh bhi apny nam ki thi asy kaisy credit in ko dey deti ky wo pyaary hain....

Aj tum logon ko koi kam nahi hai kya? Hadi in teeno sy pochta

Hai na bas jaa rehy 10 hony mein abhi 3 min 4 seconds baki hadi ki baat per nofil jawab deta...

Yahan sehar bechani sy kamry ky chakr kat rehi hoti is bar lerki waloun ny abhi tak naa kue nahi ki yehi soch soch ker wo pagal ho rehi hoti..kahin asa toh nahi ky wo naa hi na kerin....nhi nhi asa nhi ho sakta sultan sirf mera hai jo hamry bech aye ga mein us ko mar dun gi....sehar kuch soch ker apny kamry sy nikalti samny hi us ki nazar suktan per perti jo apny kamry sy nikal ker nichy ki teraf jaa reha tha....sultan mujhy tum sy baat kerni hai sehar jaldi sy us ki teraf bhagti...wo gehri sans leta wo janta tha sehar ko us sy kya bat kerni ..han bolo

Lerki walon ny ab tak na kue nahi kiya is rishty sy ? ho sakta un ko mein pasand agya hun isi waja sy...fazool baatein nhi kero sultan...tum ab tak us lerki sy nahi na mily?sehar ki baat sun ker sultan ky chalty qadam 2 seconds ky liye ruk jaty...han nahi mila....aur yeh jawab dey ker sultan apni gari ki teraf chala jata

Tum nahi mily toh kya howa mein mil lun gi us sy sultan ki agri ko dekh sehar khud sy kehti...

Sultan ko is waqt sakoon chaye thy jo us ko gahr mein nahi mil sakta tha wo janta tha ky sehar aker kuch boly gi jab sy rooh ki family ho ker gai thi sultan sehar ko avoid kerta tha gahr late ata tha shuba jaldi chala jata aur ab jab wo apny kamry mein hota us ko lock ker leta tha...sultan thak ker sarak ky kinary per gari rukta is waqt us ky zehan mein bhut si baatein thi usy rooh ko sehar sy dor rekhna tha sehar ko kaisy samjaye ky wo khabi sehar ka nahi ho sakta...wo janta tha agr wo sehar ko mana kery ga toh sehar khud ko nuqsan puncahye gi ya koi pagal pan zaroor kery gi aur is ka asr gahr ky sab fard per pery ga....aj sultan ka shidat sy dil chah ky kash koi hota jo is waqt is ky sath hota aj itny sary logon ky hoty howy bhi wo akela tha

"Dekha jaye toh har bheer ka hisa hun mein

Samja jay toh aik sakhs bhi mera nahi"

us ki ankhein nam ho gai thi us ny ankhein band ker ky apny dil mein Allah ko pukara (aa mery malik meri madad ker) sultan ky kano mein kisi ky hasny ki awaz peri jab us ny ankhein kholi toh samny hi teen log ice-cream kha rehy thy aur kisi baat per zor zor sy hasn rehy thy ....wo lerki khabi aik ky nak per ice cream laga rehi thi aur khabi dosry ky...sultan ny un ko dekh ker zer-e-lab kaha "zindagi kitni khubsurat hai na"

Us lerki ko hansty dekh sultan ny aik sehr perha:

"yeh sitary tumhari ankhon ky

yeh chand tumhari jabeen per

lagta hai utry ho tum kisi asman sy hamri zameen per"

sultan kitni hi dair wahan khery ho ker in teeno ko dekhta reha....jo phone per kisi sy video call per bat ker rehy thy itny khush thy wo....kya khabi sultan bhi in ki terah zindagi mein khol ker hasy ga? Kya khabi us ki zindagi mein bhi koi aye ga jis sy wo bhut sari baatein kery ga jis ki baatein wo suny ga jo sultan ky begair kehy us ky dil ka hal jan ley ga.....aj sultan ny pheli bar in ko dekh ky yeh socha .....ander sy kahin sy awaz ai han ho ga zaroor ho ga sultan dil hi dil mein InshaAllah keh ker gari wapis gahr ko mor leta...

rooh uth jao nashta kerin .....uthti hun abhi mera alarm nahi bola tumhy koi kam nahi hai jo shuba shuba mery sr per sawar ho gaye ho jao aur mujhy sony do rooh ko laga ky nofil aya hai...rooh uth jao werna mein pani ka jug dal dun ga tum per rooh aik dam sy uth ker bethti hai aur rooh ka mou kholy ka khola reh jata zor sy cheekh marti hai.....tum tum kab aye aur uth ker foran hadi ky galy lag jati hai .....rooh ki cheekh sun ker sab gahr waly bhaag ker rooh ky kamry mein aty rooh ko hadi ky sath chipka dekh heran ho jaty hain......haadi beta tum....tum kab aye? Hadi ki maa hadi sy sawal kerti ....g ammi mein aur abhi aya bas aker sab sy phely apni chirya sy mila werna phir yeh naraz hoti itna keh ker hadi rooh ko apny sy alag kerta phir bari bari sab sy milta hai rooh ki toh mano aj eid ho saal bad apny bhai sy mil rehi thi us ki khuhsi ka koi thikana nahi tha.....sab nashty per akatha howy thy hadi tum bata ky aty na hum tumhy airport per leny aty....meri pyaari chirya agr mein bata ker ata to tum cheekhein toh nahi na marti.....hadi rooh ko jawb deta ....han wo toh hai...

wasy mujhy toh yeh surprise bhut hi pasand aya rooh hadi sy kehti ....ab tum agaye ho kitna maza aye ga na....han ab yeh bhi hamry sath thandi hawa khany jaye ga abhi rooh apni baat pori kerti ky nofil bol perta

jis per azlan hadi aur rooh us ko ghorty aur baki bary hans dety ab un ko kya pata yahan kon si thandi hawa ki baat ho rehi hai...