ආදර දේදුන්න |TK|

එක ❤️‍🩹

තේ වත්තට උඩින් තියෙන ආරච්චිමහත්තයාගෙ බංගලාවෙ ඉදන් සුරූපී සුන්දර තරුණියක්, එයාගෙ පුංචි පුතාවත් වඩාගෙන තේ වත්ත මැද්දෙන්ම පල්ලම් බැහැගෙන ආවා.

ඉන ලඟටම දිග තද කළු කොන්ඩෙ තෙල් ගාලා, පීර්ලා එක කරලට ගොතලා, ලස්සන මල් ඔසරියක් ඇදලා හිටපු මේ සුන්දර තරුණිය නමින් ජියා.

ගමේ ලස්සනම ලේලි අපේ අම්මාගෙ වේවි කියන කියමන සනාත කරපු ආරච්චි මහත්තයාගෙ පුත්‍ර රත්නය නගරෙන් සුදු කෙල්ලෙක් කරකාර බැදලා දැන් අවුරුදු තුනකටත් කිට්ටුයි. ජියාගෙ පියා සිංහලයෙක් උනත් ජියාගෙ මවට පෘතුගීසි සම්භාවයක් තිබුන නිසා ජියාට තිබුනෙ සුද්දියෙක්ගෙ පෙනුමක්.

ඒ පෙනුමත් එක්ක ඔසරිය ඇන්දාම ජියාව වචනයෙක් අර්ථ දක්වන්න බැරි තරමටම සුන්දරව පෙනුනා. ජියාට ගමේ හැමෝම වගේ කිවුවෙ සුදු මැණිකෙ කියලා.

ටිකක් තද ගතිගුණ තිබුනත් සෙල්ලක්කාර චරිතයක් උන ආරච්චි මහත්තායගෙ පුතාට ගමේ අය කිවුවෙ පුංචි හාමු කියලා. ඔහුගේ කඩවසම් බවට සුදු මැනිකෙවනම් හොදටම පෑහෙන බව ගම්වැසියෝ එක හෙලාම පිලිගත්තා.

සුදු මැණිකෙ එයාගෙ පුංචි පුතාවත් තුරුල් කරගෙන තේ වත්ත පහු කරලා වෙල් යාය මැද්දෙන් ඇවිදගෙන ගියෙ හිනා කටෙන් එකක් පුරවගෙනයි.