وسابتهم مرام ودخلت تجهز نفسها
قال أحمد لابنه وهوا بيلبسه : زينو مجهزلك مفاجأه تحفه عند جدو
زين وهوا متحمس : إيه هياا
أحمد بضحك : يعني بذمتك لو قلتلك هتبقى مفاجأه
قال زين وهوا بيبعد عنه : لا خلاص خلاص أنا هكتشفها بنفسي
ضحك أحمد على تصرفات ابنه اللي بتفكره بأخوه في صغره وقال : أيوا بقى زينو المكتشف
وكان أحمد جهز زين ومرام جهزت نزلوا ركبوا العربية وساق بيهم أحمد لبيت أهله
وصلوا لبيت أهله ودخلوا سلموا عليهم وقعدوا في الصالة زين كان لسه نايم صحي ولاحظ أن في صوت طفل برا عرف أنه ابن أخوه مسك موبايله وبعت لأحمد رسالة "تعالى الاوضه"
راح أحمد لزين وقفل الباب وراه
قال أحمد وهوا بيقعد جنبه على السرير: عايز إيه يعم أنت
زين بتساؤل: أحمد ابنك يعرف أن ليك أخ
أحمد بنفي : لا أنا كنت سايب الموضوع ده مفاجأه ليه
زين وهوا بيقوم : حلو أوي أنا هطلعله دلوقتي على أساس أن أنا أنت ولما ابعتلك إبقى اطلع من الاوضه
أحمد بهزار وهوا بيفرد نفسه على السرير : هتحبسني يعني
زين وقف وقال بخنقه كانت واضحه : آه زي ما أنت حبستني
أحمد أدرك اللي قاله فقال : زين أنا آسف إني فكرتك بالموضوع ده
زين : متتأسفش أنا أصلا منسيتش ومش عايز أنسى لأن ده الموقف اللي خلاني افوق
أحمد وهوا بيغير الموضوع : ناوي تعمل إيه بقى في ابني
زين بهزار وهوا بيلبس : لا يا حبيبي ده بقى ابني خلاص هوا أنت متعرفش مش أنا بقيت أنت
أحمد بضحك : ماشي هوا عندك
ولبس زين نفس لبس أحمد وخرج برا اتجهت ناحيته مرام اللي قالت : مبروك الرجوع يا بشمهندس
زين وهوا بيبص حوله : وطي صوتك لحسن ابنك يسمع ويعرف إني مش أبوه
مرام بتساؤل: ليه ناوي تاخده على فين
زين : هروح بيه الملاهي شوية ونرجع
مرام : ماشي أهو عندك
زين : ابقي عرفي أهلي إني زين مش أحمد عشن يعيني هيدخلوا على أحمد ويقولوله واد يا زين اصحى أخوك جه وهوا مش هيعرف يعمل إيه
ضحكت مرام وقالت : حاضر هعرفهم
وندهت مرام على زين الصغير وقالتله: زينو بابا عايز ياخدك وتروحوا الملاهي ايه رأيك في الموضوع ده
زين : اكيييد موافق أنت أحسن أب في العالم ونط على زين حضنه
زين اتصدم وكان مرتبك ومعرفش يعمل إيه فبادله الحضن وقتها ضحكت مرام وغمزت لزين وسابتهم
وخد زين ابن أخوه ونزل اتجه ناحيته واحد من الحرس وقاله : زين باشا تحب تروح في حته معينه
رد زين بأمر: لا مش حابب أروح مكان مع الحرس خليكوا أنتم هنا أو روحوا شوفوا الوضع في الشركه وأنا هروح مشوار سريع وهرجع
رد الحارس : حاضر يا فندم
وبعد عنه زين مع ابن أخوه اللي لحسن حظ زين أن ابن أخوه مكانش منتبه للي بيحصل وراح لعربية أخوه وساقها للملاهي
زين حقيقي كان بيعيش أحلى لحظات حياته مع ابن أخوه لحد ما قطع استمتاعه رسالة من أحمد بيقول فيها "اطلع ولا لا عايز أدخل الحمام"
ضحك زين على أخوه لأنه نسي يقوله يطلع بعتله زين "اطلع يا عم أنا أصلا خدت ابنك خطفته ومشيت"
بعتله أحمد وهوا ممثل الصدمة "نعم!!!!!"
اتصل أحمد بزين اللي رد وقال ببرود : خير
أحمد : ابني فين يا زين
زين ببرود : معايا
أحمد بتساؤل: أنتم فين يا زين
ضحك زين وقال : يعني أنت عايز تفهمني أنك متعرفش ده كل اللي في البيت عارفين إني خدته ورحنا الملاهي
ضحك أحمد وقاله : خلي بالك منه بقى
زين بهزار: حاضر هسيبه في اللعبه
ضحكوا مع بعض وقفل زين مع أحمد وانتبه لابن أخوه اللي بيقول : بابا بابا
رد زين : نعم
الطفل : عايز اركب اللعبة دي
ضحك زين وقال : يلا بينا
وكان زين مستمتع مع ابن أخوه وفي نص اللعبة أحمد اتصل بزين اللي رد وقال : عايز ايه تاني
أحمد : يلا يالا تعالى عشان الأكل جهز
زين: ماشي بس متنساش أنت اللي تفتح الباب
ضحك أحمد وقال : ماشي أنا اللي هفتح
وقفل زين مع أحمد وقال لابن أخوه: زينو فاكر المفاجأة اللي قلتلك عليها هتشوفها أول لما نوصل
الطفل بحماس : اوكي
_______________________________________
يـتـبـع........
رأيكم؟؟
توقعاتكم؟؟
دمتم بخير🌺
أنت تقرأ
توأمي القاسي (قيد التعديل)
Mystery / Thrillerأردتك السند لي في المحن....لماذا تتخلى عني في كل محنة وتلجأ للخيار السهل لك والصعب لي؟.. وتريدني أن أعود كما كنت؟!!
