توأمي القاسي (قيد التعديل)

part 13

"عش ما شئت فإنك ميت وأحبب من شئت فإنك مفارق واعمل ما شئت فإنك مجزى به"

لا تنسوا الدعاء لأهل فلسطين ولبنان 🇱🇧 🇵🇸

________________________________

وخلصوا اللعبة ووصلوا البيت رن زين على الجرس وراح أحمد فتح الباب ،كتم زين ضحكته لما شاف صدمة ابن أخوه وهوا شايف أبوه متكرر مرتين

قال زين الصغير بعدم فهم: إيه ده هوا في مرايا هنا ولا أنت مين وإزاي شبه بابا كدا أنا عندي اتنين بابا؟!

ضحك أحمد وقال : زين على فكرة أنا بابا الحقيقي

زين الصغير بص لزين اللي كاتم ضحكته بالعافيه بخوف وبعدها جري راح ورا أبوه وقال بخوف: أنت مين يا عمو يا شرير

ضحك زين وقال: هبقى شرير وأوديك الملاهي

قاله زين الصغير : طب أنت إزاي شبه بابايا كده

اتكلم أحمد وهوا بيشيل ابنه : ما هوا أخويا وتوأمي عشان كدا شبهي

زين الصغير بعدم فهم : أخوك؟؟ بس أنت معندكش اخوات

رد زين بهزار : مش طلع ليه أخ عايش في باريس

ز

ين الصغير عيونه لمعت وقال : يعني أنت كنت عند ميراكولوس

زين : مين ده

زين الصغير بحماس : الدعسوقة والقط الاسود

زين ضحك وقال وهوا بياخده من أحمد: آه بس مش عندهم أوي يعني

زين الصغير وهوا بيحاول يبعد عن زين : طب أنت اسمك إيه

زين : أنت اسمك إيه

زين الصغير : اسمي زين

زين بتفاجؤ مزيف :إيه الصدفه دي وأنا كمان بس...أنا الأصلي طبعا

زين الصغير : لاااااا أنا الأصلي وأنت اللي بتقلدني

زين وهوا فرحان أنه بيعصب الطفل الصغير: لا أنا الأصلي يا قلووود

بدأ زين الصغير يبكي وبيقول: قوله يا بابا أن أنا الأصلي

ضحك زين وقال : خلاص يا عم أنت هتعيط أنت الأصلي خلاص

زين الصغير بفرح طفولي: هيييي أنا الأصلي

ضحكوا كلهم وراحوا ياكلوا وبعدها خلصوا طلع زين البلكونه يشرب سجارة ولقى أن حد جاي ورا بص لقاه ابن أخوه بصله وقال : جاي ورايا وسايبهم هناك ليه يا زينو

زين الصغير : كنت عايز أتعرف عليك أكتر
زين بتساؤل: امممم عايز تعرف إيه
زين الصغير وهوا بيروح يقعد جنب عمه: أي حاجه يعني
فكر زين شوية وقاله: ماشي يا عم أنا زين آدم الصاوي مهندس برمجة عندي 31 سنه مش متجوز......امممم وإيه كمان.....اه عندي شركه في فرنسا زي ما قلتلك عايز تعرف إيه تاني
زين الصغير بتفكير : أصحابك اسمهم إيه وبيشتغوا إيه
ضحك زين على السؤال ده وقاله: يعني عندك واحد صاحبي اسمه يوسف عنده 31 سنه بردو بيشتغل مهندس برمجة زيي وكمان.....عندي صاحبي اسمه زياد عنده 31 سنه كمان بيشتغل ظابط مخابرات
قطعه زين الصغير وقاله : زي بابا كدا
رد زين : مش زيه أوي يعني أحمد بيشتغل مقدم ودي رتبة من رتب الظباط شغله بيكون أغلبه مش سري أوي لكن زياد شغله كله في السر
أعجب زين الصغير بعمل زياد فقال بحماس: أنا لما أكبر هبقى ظابط مخابرات زي عمو زياد
ضحك زين وقاله: هتبقى أحسن ظابط....بس يلا روح بقى عند بابا عشان الدخان اللي هنا
زين الصغير بتساؤل: طب وأنت
زين بتنهيدة: لا عادي أنا متعود على كده
زين الصغير ببراءة طفولية: يبقى أنا كمان هتعود
ضحك زين على ابن أخوه وقاله: لا دي بقى الحاجه الوحيده اللي مينفعش تعملها يعني السجاير دي وحشه جدا
زين الصغير بتساؤل: طب أنت ليه بتشربها رغم أنها كده
أتعجب زين من الطفل اللي عنده 3 سنين رغم كده لكنه ذكي جدا فقاله: خلاص أوعدك إني مش هشربها تاني

فرح زين الصغير وبعدها دخل جوا عنده أبوه اللي قاله : زين يلا عشان هنروح البيت لأن الوقت اتأخر
زين الصغير بحزن: طب مينفعش ابات انهاردة مع عمو زين
أحمد بهدوء : لا مش هينفع عشان عمو زين لسه راجع من السفر وتعبان محتاج يرتاح
في الوقت ده دخل زين وقال لأحمد: لا خلاص سيبه أنا فاضي بكرة أصلا
أحمد: زين ابني بيعمل إزعاج كبير أوي واحتمال ينزلك الساعه 5 الفجر تنزل تمشي بيه
زين بتفهم : لا متشغلش دماغك بالموضوع ده وروح أنت ارتاح شوية منه
أحمد: ماشي براحتك
زين الصغير بفرح : هييي هبات مع عمو زين
قالت مرام لابنها : زينو بس تكون هادي ومتعملش دوشه
زين الصغير : أكيد اكيد
بعدها مشي أحمد ومرام راحوا لبيتهم وناموا على طول

وعند زين وابن أخوه قال زين: تحب تاكل دلوقتي بيتزا
لمعت عيون زين الصغير وقاله: آه بس ماما مش بترضى تخليني أكل بليل حاجات زي دي
زين : لا هجيب لينا بس متقولش لحد
زين الصغير اتحمس وقاله : اه اكيد مش هقول
زين ضحك وقاله : دلوقتي هتصل واعمل الاوردر
زين الصغير : يلا بسرعه
اتصل زين بالمطعم وطلب البيتزا ووصلت أكلها زين وزين وبعدها لعبوا شوية وناموا نوم عميق
وخلص اليوم وتاني يوم صحي زين وصل ابن أخوه لبيته وراح على شغله في الشركة
وفي يوم زين كلم أحمد وقاله أنه يقابله في كافيه **** عشان خلاص قرر يحكيله كل حاجه
أحمد فرح جدا ووافق بسرعه لأنه أخيرا هيعرف السر ده ويرتاح
__________________________________________

يـتـبـع........
بعرف أن هيدا البارت كان المفروض ينزل يوم الاثنين بس ما قدرت انزله بس رح انزل اليوم اقتباس الساعه 12 بليل كإعتذار يعني🫶🏻

رأيكم؟؟
توقعاتكم؟؟
كيف زين قدر أنه يهرب رغم أن أحمد شاف جثته؟؟

دمتم بخير🌺