وفي مكان تاني كان في شخص يظهر عليه الشموخ قاعد على مكتب فخم في مكان الإضاءة فيه خافته جدا فجأة سمع خبط على الباب قال بهدوء للي برا وهوا مديه ظهره : ادخل
دخل الشخص التاني وقال بهدوء وهوا بيحط ملف على المكتب : وليد بيه...دي كل المعلومات عن المقدم أحمد الصاوي وموجود في الملف ده كل معلوماته وأفراد عائلته وصورهم ومعلومات عنهم
لف وليد بالكرسي وابتسم إبتسامة شر وقال ببرود للشخص التاني : اطلع برا
طلع الشخص التاني وقفل الباب بص وليد على الصور والمعلومات باهتمام وقال بإستهزاء : طيب يا...أحمد أنت اللي مفكر أنك هتقبض على الصياد....لا عاش ولا كان اللي يقبض على وليد الصياد.....أما أشوف حاجه تبوظلك حياتك...مهو مينفعش أعدي في حياتك ومسيبش علامة تعرفك أنا مين
وبدأ يقرأ في الملف باهتمام وفكر وقال : اممم..آدم الصاوي أبوه.....لا معتقدش هيحزن كتير......زين الصاوي أخوه.....ممكن يكون في تأثير.....مريم المنياوي أمه...لا مش حاسس بحاجة كبيرة.....زين أحمد الصاوي ابنه.....(بإبتسامة شر) هو ده.....بس لا كده مش حياته كلها هتبوظ
وأكمل وهوا بيفكر : عايز أفكر في حاجه تخلي حد من عيلته يكون متهم بقتل ابنه...إيه ده في حاجه منتبهتلهاش؟....أخوه مهندس مشهور واتسجن قبل كده....حلو اوي يبقى هوا ده.....بس لا حاسس أن كده مش كفاية...ممكن مع ابنه......(بابتسامه شر) مراته
ابتسم وقال : يبقى كده سيناريو يجنن.....سُمعة أخوه.....جنونه.....موت مراته وابنه...فراق التوأم..كده إنتقام كامل عشان يعرف بعد كده بيتعامل مع مين
بعد ما خطط وليد لتفاصيل الخطة قرر ينفذها بعد أسبوع من الوقت وده عشان يتأكد من كل التفاصيل ويسيب أثر في حياة أحمد وعيلته...بدأ يتحرك بهدوء ويراقب أحمد ،وهيأ نفسه لتنفيذ الخطة في الوقت المحدد وهو مطمئن أن الإنتقام هيكون مؤلم وكامل
_____________________________________
رأيكم؟؟
توقعاتكم؟؟
مين الشخص ده؟
ليه عايز يأذي أحمد؟؟
دمتم بخير🌺
أنت تقرأ
توأمي القاسي (قيد التعديل)
Mistério / Suspenseأردتك السند لي في المحن....لماذا تتخلى عني في كل محنة وتلجأ للخيار السهل لك والصعب لي؟.. وتريدني أن أعود كما كنت؟!!
