မိစ္ဆာတွေကငါ့ကိုစွဲလမ်းနေကြတယ် | ဘာသာပြန်။

[၁] Arc|1| တစ္ဆေတစ်ကောင်နှင့်ကြုံရခြင်း။

Arc(1)တစ္ဆေတစ်ကောင်နှင့်ကြုံရခြင်း(၁)။

"ဒီနှစ်မင်းအသက်ဘယ်လောက်လဲ။"

[ တောင်ပိုင်းရဲ့အလှမ်းဝေးတဲ့တောင်တန်းတွေထဲမှာတည်ရှိတဲ့ဒီရှေးဟောင်းမြို့တော်မှာထူးဆန်းတဲ့လူပျောက်မှုနဲ့သေဆုံးမှုတွေအများကြီးရှိနေတယ်။ နစ်နာသူတွေအကုန်လုံးကအသက်၁၈အောက်ရှိတဲ့လူငယ်တွေပဲ၊ အများစုကကျောင်းနားမှာထူးခြားဆန်းကြယ်စွာပျောက်သွားကြတယ်။]

[ ပြည်တွင်းရဲတွေကလူလွှတ်ပြီးအကြိမ်ပေါင်းများစွာရှာဖွေခဲ့ကြပေမဲ့လူသတ်တရားခံရဲ့အရိပ်အယောင်ကိုလုံးဝရှာမတွေ့ခဲ့ဘူး။ ]

ချူရှစ်ယွီမျက်စိဖွင့်ဖို့ကြိုးစားလိုက်ပေမဲ့ရုတ်တရက်မှိန်ပျပျအလင်းရောင်ကြောင့်ကျိန်းစပ်သွားသည်။

ခဏကြာတော့သူ့အမြင်အာရုံကြည်လင်စပြုလာပြီး သူ၏မှုန်ဝါးဝါးအမြင်အာရုံမှာဖြည်းဖြည်းချင်းလင်းလာသည်။ သူ့နားထဲကဆူညံသံမှာရုတ်ခြည်းပျောက်ကွယ်သွားပြီး ပိုတိုးကာကြည်လင်ပြတ်သားလာသည့်စက်ရုပ်အသံကသူ့စိတ်ထဲမှာဆက်လက်မြည်ဟည်းလာသည်။

"မင်းကအထက်တန်းကျောင်းသားလား။"

[ ပေါင်းစည်းနေပါသည်.... ]

[ ကစားသမားအမည်: ချူရှစ်ယွီ။ ]

[ ကစားသမားအဆင့်: အဆင့်တစ်။ ]

[ တင်---- ]

[ စနစ်ပေါင်းစည်းမှုအောင်မြင်ပါသည်! ]

[ အဆုံးမဲ့ဂိမ်းကိုဝင်လာတာကြိုဆိုပါတယ်၊ စနစ်၁၉၉၈ကသင့်ကိုဝန်ဆောင်မှုပေးသွားမှာပါ။ ]

[ သင့်အတွက်ဂိမ်းကမ္ဘာ၁ကိုဖွင့်ပေးနေပါသည်... ]

[ တင်.... ]

[ အောင်အောင်မြင်မြင်ဖွင့်လိုက်ပါပြီ! ]

ကမ္ဘာ၁ကိုအခုဖွင့်လိုက်ပြီ....?

[ ကမ္ဘာအမည်: ရှေးဟောင်းမြို့တော် ]

[ ကမ္ဘာအဆင့်: ရိုးရှင်းသော၁ ]

[ ဂိမ်းကမ္ဘာရဲ့ဇာတ်ကြောင်းနဲ့တာဝန်တွေကိုသင့်ဆီလွှဲပြောင်းပေးလိုက်ပါပြီ။ ကျေးဇူးပြုပြီးပြင်ဆင်ထားပါ ကစားသမားချူရှစ်ယွီ.... ]