Arc(1)တစ္ဆေတစ်ကောင်နှင့်ကြုံရခြင်း(၂၀)။
တစ္ဆေအမျိုးသမီးကသတိရှိရှိမေးလာသည်။
"မောင်လေး ဘာဖြစ်လို့လဲဟင်?"
ချူရှစ်ယွီမိန်းမောနေပြီး သူ့စိတ်မှာစက္ကန့်အနည်းငယ်ကြာဗလာကျင်းနေပြီးမှအသိပြန်ဝင်လာကာတစ္ဆေအမျိုးသမီးကိုခေါင်းခါပြလိုက်မိသည်။
သူတစ္ဆေအမျိုးသမီးလက်ထဲမှာကိုင်ထားသည့်ငါးစင်တီမီတာလောက်ရှိသည့်လေးထောင့်ဖန်တောင့်လေးကိုကြည့်လိုက်မိသည်။ အထဲမှာဖော်မလင်စိမ်ထားသည့်မျက်လုံးတစ်စုံရှိလို့နေသည်။ မျက်လုံးမှာပြင်းထန်ပြီး မျက်နှာပြင်မှာသွေးနီရောင်အကြောများစွာရှိသည်။
သူချင်ပိုင်ကျိုးကိုချက်ချင်းတွေးမိသွားသည်။
ချင်ပိုင်ကျိုးအပြင် ဒီလိုလုပ်မဲ့လူတစ်ယောက်မှသူမစဥ်းစားမိတာမို့။
ချင်ပိုင်ကျိုးမှာသူခုနကပြောလိုက်တာကိုအတည်ယူသွားခြင်း။
ပြီးတော့သူ့ကိုမျက်လုံးကူရှာပေးကာတစ္ဆေအမျိုးသမီးကိုပေးလိုက်သည်။
ချင်ပိုင်ကျိုးကအတော်လေးဒုက္ခခံခဲ့ခြင်း၊ ရှန်ရွှီကျိုး၏အလောင်းကိုပင်ငှားကာရုပ်ဖျက်ပြီးသူ့နားချဥ်းကပ်လာခဲ့သည်။ ဒါကသူ့ဆီကနေဒီစကားတွေကိုအစ်ထုတ်ဖို့သက်သက်ပဲတဲ့လား။
ချူရှစ်ယွီမှာချင်ပိုင်ကျိုးတစ်ယောက်ဒီလိုထောင်ချောက်ဆင်ပြီး သူ့ကိုတစ်လှမ်းပြီးတစ်လှမ်းခုန်ဝင်အောင်စည်းရုံလိမ့်မည်ဟုမထင်ထားမိပေ။
ချင်ပိုင်ကျိုးကသူခုနကပြောလိုက်တာကိုအသေးစိတ်မသိသွားဘူးဟုချူရှစ်ယွီခံစားလိုက်ရသည်။
သူဂိမ်းကမ္ဘာအကြောင်းဘာအချက်အလက်မှချင်ပိုင်ကျိုးဆီထုတ်မပြောခဲ့တဲ့အပြင် ဒါကတကယ်တော့သူ့မစ်ရှင်ဖြစ်ပြီး သူဟာစနစ်နှင့်ချိတ်ဆက်ထားကြောင်းကိုပါသူ့ကိုမပြောပြခဲ့ပေ။
သူကသူ့အဖြစ်အပျက်ကိုသရဲဝတ္ထုနှင့်ရုပ်ရှင်ထဲကပုံမှန်ဇာတ်ကြောင်းတည်ဆောက်ပုံနှင့်ဆင်တူစွာဖော်ပြခဲ့ပြီး တစ္ဆေအမျိုးသမီးကသူ့ကိုလိုက်နှောင့်ယှက်နေတာမို့ ဒီတာဝန်ကိုပြီးမှဖြစ်မည်ဟုသာပြောခဲ့ခြင်း။
YOU ARE READING
မိစ္ဆာတွေကငါ့ကိုစွဲလမ်းနေကြတယ် | ဘာသာပြန်။
Horrorချူရှစ်ယွီအဆုံးမဲ့ဂိမ်းထဲမတော်တဆကျရောက်သွားခဲ့သည်။ သူသိလိုက်ရတာက ပင်မဇာတ်ကြောင်းမှာနဂိုဆက်တင်အတိုင်းမသွားရုံတင်သာမက သူလည်းပဲ....မှောင်ရိပ်ခိုလျက်သူ့ကိုထောက်လှမ်းနေသည့်မကောင်းဆိုးဝါးတစ်ကောင်ပြီးတစ်ကောင်ကြုံတွေ့ခဲ့ရသည်။ [ တုံးအအအလှလေးရှို့ x ပိုင်ဆိုင...
