Arc(1)တစ္ဆေတစ်ကောင်နှင့်ကြုံရခြင်း(၉)။
ချူရှစ်ယွီအခေါင်းဖုံးကိုကိုင်ထားရင်းခပ်သွက်သွက်သေချာဂရုတစိုက်တွယ်ဆင်းလိုက်ပြီး အထိတ်တလန့်ဘေးဘီဝေ့ဝဲကြည့်လိုက်မိသည်။ ၎င်းမှာမည်းမှောင်အုံ့မှိုင်းသောအလင်းရောင်နှင့်ဧရာမရှေးဟောင်းသချိုင်းဂူနှင့်တသပြီး ပတ်ပတ်လည်ရှိနံရံများပေါ်မှာထူးဆန်းသောအဝါရောင်အဆောင်စာရွက်များကပ်ထားကာ ကြက်သွေးရောင်ကြိုးများ၊ ခေါင်းလောင်းများနှင့်ချည်ထားသည်။
အချိန်နှင့်အမျှအမည်မသိအရည်များကနံရံမှဖြည်းဖြည်းချင်းစီးကျလို့နေသည်။
အနီးနားမှာအနီရောင်သစ်သားသေတ္တာများရှိနေပြီး သေတ္တာအဖုံးများမှာအကုန်ဖွင့်ထားသည်။ ၎င်းတို့မှာကျောက်မျက်ရတနာ၊ ရွှေနှင့်ငွေတို့ပြည့်လို့နေသည်။ သချိုင်းဂူတည်ဆောက်ပုံမှာကွေ့ကောက်ရှုပ်ထွေးပြီး အတွင်းခန်းများစွာရှိလေသည်။ ထူးဆန်းသောနံရံနှင့်အလွန်အမင်းချမ်းသာကြွယ်၀သောတည်ဆောက်ပုံမှတဆင့် သချိုင်းဂူတည်ဆောက်သူများမှာသေဆုံးသူ၏အသုဘကိုရိုသေလေးစားမှုနှင့်အာရုံစိုက်မှုပေးစွမ်းထားမှန်းဖော်ပြလို့နေသည်။
သူဘာလို့ဒီရောက်လာတာလဲ။
သူတောထဲမှာရှိနေတာသေချာမှတ်မိပါတယ်။
ချူရှစ်ယွီ၏မျက်လုံးများမှာအကြောက်တရားနှင့်တုန်ရီသွားသည်။ သူအမှောင်ထဲမှာသေချာဂရုတစိုက်ရှေ့တိုးကာ နံရံပေါ်ကဖယောင်းတိုင်နီကိုယူပြီးမီးပြလိုက်သည်။
သူထွက်လမ်းရှာကြည့်တော့ အတွင်းခန်းထဲမှာကျောက်တံခါးများစွာရှိတာမြင်လိုက်ရပေမဲ့ ကျောက်တံခါးတစ်ချပ်သာပွင့်ထားပုံမှာ ချူရှစ်ယွီကိုထွက်လမ်းပြပေးဖို့အထူးဖွင့်ပေးထားသည့်လမ်းကြောင်းပမာ။
ချူရှစ်ယွီလမ်းကျဥ်းလေးထဲစိုးရိမ်တကြီးလျှောက်၀င်သွားလိုက်သည်။ ကျောက်တံခါးအပြင်ကလမ်းကြောင်းမှာဖယောင်းတိုင်နီများထွန်းထားပြီး ဖယောင်းတိုင်မီးယိမ်းသွားတော့ အလင်းနှင့်အရိပ်မှာထူးဆန်းစွာနီရဲလို့နေသည်။
YOU ARE READING
မိစ္ဆာတွေကငါ့ကိုစွဲလမ်းနေကြတယ် | ဘာသာပြန်။
Horrorချူရှစ်ယွီအဆုံးမဲ့ဂိမ်းထဲမတော်တဆကျရောက်သွားခဲ့သည်။ သူသိလိုက်ရတာက ပင်မဇာတ်ကြောင်းမှာနဂိုဆက်တင်အတိုင်းမသွားရုံတင်သာမက သူလည်းပဲ....မှောင်ရိပ်ခိုလျက်သူ့ကိုထောက်လှမ်းနေသည့်မကောင်းဆိုးဝါးတစ်ကောင်ပြီးတစ်ကောင်ကြုံတွေ့ခဲ့ရသည်။ [ တုံးအအအလှလေးရှို့ x ပိုင်ဆိုင...
