Arc(1)တစ္ဆေတစ်ကောင်နှင့်ကြုံရခြင်း(၃)။
တစ်ဖက်လူမှာစကားမပြောလာသေး။ သူ၏ရုပ်ရည်သွင်ပြင်မှာချောမောပြီး လူတို့ကိုသူ့ကိုမကြည့်ဘဲမနေနိုင်ဖြစ်စေသည့်ထူးခြားသောဆွဲဆောင်မှုတစ်မျိုးရှိလို့နေသည်။
ချူရှစ်ယွီအနောက်ဆုတ်လိုက်ပြီး လေထုမှာအနည်းငယ်ထူးဆန်းနေမှန်းမြင်လိုက်ရတော့ယဥ်ကျေးစွာပြုံးပြကာ-
"ကျွန်တော်ကိုယ်တိုင်လုပ်ထားတာရယ်၊ စမ်းစားကြည့်ကြည့်နော်။"
ချူရှစ်ယွီကွေးနေသောမျက်ခုံးများ၊ နီစွေးသောနှုတ်ခမ်းနှင့်သွားဖြူဖြူတို့ဖြင့်ပြုံးပြလိုက်တော့ တောက်ပသောမနက်ခင်းအလင်းရောင်ထဲမှာမျက်စိကျိန်းဖွယ်စူးရှတောက်ပသွားသည်။
ထိုသို့ဆိုကာသူအနောက်လှည့်ပြီးခြံတံခါးဆီလျှောက်သွားလိုက်သည်။ သူတံခါးလှည့်ပိတ်လိုက်စဥ် မျက်ခုံးပင့်ကြည့်မိတော့ပွဲကြည့်စင်ထဲမှာဘယ်သူမှရှိမနေမှန်းမြင်လိုက်ရသည်။
လူကြီးကအထဲဝင်သွားတာနေမယ်။
ထူးဆန်းချက်။
ချူရှစ်ယွီနှုတ်ခမ်းဆူလိုက်မိပြီးတံခါးကိုလိမ်လိမ်မာမာလေးပိတ်လိုက်သည်။ သူကသူ့အဖွားကိုကူညီပေးခဲ့တာမို့ သူနှင့်အငြင်းပွားမှာမဟုတ်ပေ။
လာမဲ့ပိတ်ရက်။
သူစက်ဘီးဝယ်ဖို့မြို့ထဲရှိတစ်ခုတည်းသောစက်ဘီးဆိုင်ဆီသွားလိုက်သည်။ သူဘတ်စ်ကားမစီးနိုင်တာမို့ အသွားအလာလုပ်ဖို့လမ်းရှာရမည်ပင်။
"စက်ဘီးဝယ်ချင်တာ?" ဆိုင်ရှင်ကသူ့ကိုမိတ်ဆက်ပေးသည်။
"သင့်တော်တာရှိလားတစ်ချက်ကြည့်ကြည့်လေ။"
"ဦးလေး၊ ကျွန်တော်ဒီဘီးဝယ်ချင်တယ်။" သူဝေ့ဝဲကြည့်လိုက်ပြီးနောက်ဆုံးမှာအဖြူရောင်စက်ဘီးလေးကိုမျက်စိကျသွားသည်။
"ဟုတ်ပြီကောင်လေး၊ မင်းကတော်တော်အရွေးတော်တာပဲ။" ဆိုင်ရှင်ကအပြုံးလေးနှင့်ဆိုသည်။
"ဒါကဦးတို့ဆိုင်မှာစျေးအကြီးဆုံးဘီးပဲ။ ကလေးတစ်ယောက်ဖြစ်တဲ့မင်းဝယ်ချင်ရင်.....မင်းမိသားစုနဲ့ဆွေးနွေးသင့်တယ်နော်။"
YOU ARE READING
မိစ္ဆာတွေကငါ့ကိုစွဲလမ်းနေကြတယ် | ဘာသာပြန်။
Horrorချူရှစ်ယွီအဆုံးမဲ့ဂိမ်းထဲမတော်တဆကျရောက်သွားခဲ့သည်။ သူသိလိုက်ရတာက ပင်မဇာတ်ကြောင်းမှာနဂိုဆက်တင်အတိုင်းမသွားရုံတင်သာမက သူလည်းပဲ....မှောင်ရိပ်ခိုလျက်သူ့ကိုထောက်လှမ်းနေသည့်မကောင်းဆိုးဝါးတစ်ကောင်ပြီးတစ်ကောင်ကြုံတွေ့ခဲ့ရသည်။ [ တုံးအအအလှလေးရှို့ x ပိုင်ဆိုင...
