Arc(1)တစ္ဆေတစ်ကောင်နှင့်ကြုံရခြင်း(၁၇)။
ချူရှစ်ယွီအလေးအနက်တွေးကြည့်လိုက်မိသည်။ သူ့မှာတာဝန်ရှိနေသေးတာကိုတွေးမိတာမို့သူငြင်းလိုက်သည်။
"ဒါပေမဲ့ကျွန်တော်ကကျောင်းမှာအခုမှလာနေတာလေ။ ဒီ...နှစ်ရက်အတွင်းဆိုရင်ကော၊ ကျောင်းမှာကိစ္စတချို့လုပ်စရာရှိသေးလို့ ကျွန်တော်နောက်မှလာခဲ့ပါ့မယ်။"
ချူရှစ်ယွီ၏အကြောင်းပြချက်မှာတဝိုးတဝါးဆိုပေမဲ့ ချင်ကျိကထက်ရှစွာဖမ်းဆုပ်မိလိုက်သည်။ သူဘာမေးခွန်းမှထပ်မမေးဘဲပြောလိုက်သည်။
"အင်းပါ။ မင်းကျောင်းမှာအကူအညီတစ်ခုခုလိုရင် ကိုယ့်ကိုအချိန်မရွေးဆက်သွယ်လို့ရတယ်နော်။"
"ဟုတ်ကျွန်တော်သိပါပြီ။"
ချူရှစ်ယွီခေါင်းငြိမ့်ပြလိုက်သည်။ သူလှေကားပေါ်ကခုန်ဆင်းကာသူ့တင်ပါးပေါ်ကဖုန်များကိုခါထုတ်လိုက်စည်။
"ဒါဆိုကျွန်တော်အတန်းထဲပြန်သွားတော့မယ်နော်။ အခုအတန်းချိန်ရောက်နေပြီမို့။"
"အင်းပါ။" ချင်ကျိကဖုန်း၏အခြားတစ်ဖက်မှာပြောလာသည်။
"တာ့တာအားယွီ။"
"တာ့တာမစ္စတာချင်။"
ချူရှစ်ယွီဖုန်းချကာအတန်းထဲခပ်သွက်သွက်ပြန်သွားလိုက်သည်။
....
စျေးဝယ်ရန်ပွိုင့်ပိုစုဖို့အတွက် သူဒီကနေ့တိုက်ရိုက်ထုတ်လွှင့်ချိန်ကို၂၄နာရီပြောင်းလိုက်သည်။
အတန်းမစခင်နာရီဝက်လိုသေးတာမို့ သူ့ထိုင်ခုံမှာပြန်ထိုင်ကာကြုံရာဖတ်စာအုပ်တစ်အုပ်ထုတ်လိုက်ပြီးမှ သူထုတ်လိုက်သည့်ဖတ်စာအုပ်ကိုထောင်ကာ ခေါင်းငုံ့ပြီးသူသွားခဲ့ဖူးသည့်နေရာများကိုခဲတံနှင့်ဝိုင်းလိုက်သည်။
ချူရှစ်ယွီတစ်နေရာပြီးတစ်နေရာသွားရှာဖို့ဆုံးဖြတ်လိုက်သည်။ သူ့မှာမျှော်လင့်ချက်ကြီးကြီးမားမားမရှိပေမဲ့ သူအချိန်ပေးကာကြိုးစားကြည့်ဖို့ဆုံးဖြတ်လိုက်မိတုန်းပင်။
နေ့နှင့်ညရှိတိုက်ရိုက်ထုတ်လွှင့်မှုပုံရိပ်အရည်အသွေးမှာအလွန်ကွာခြားလှသည်။ နေ့ဘက်ရှိတိုက်ရိုက်ထုတ်လွှင့်ခန်းမှာအလွန်ကြည်လင်ပြတ်သားပြီး ပရိသတ်၏သဘောကျမှုကိုနားလည်လေသည်။
YOU ARE READING
မိစ္ဆာတွေကငါ့ကိုစွဲလမ်းနေကြတယ် | ဘာသာပြန်။
Horrorချူရှစ်ယွီအဆုံးမဲ့ဂိမ်းထဲမတော်တဆကျရောက်သွားခဲ့သည်။ သူသိလိုက်ရတာက ပင်မဇာတ်ကြောင်းမှာနဂိုဆက်တင်အတိုင်းမသွားရုံတင်သာမက သူလည်းပဲ....မှောင်ရိပ်ခိုလျက်သူ့ကိုထောက်လှမ်းနေသည့်မကောင်းဆိုးဝါးတစ်ကောင်ပြီးတစ်ကောင်ကြုံတွေ့ခဲ့ရသည်။ [ တုံးအအအလှလေးရှို့ x ပိုင်ဆိုင...
