Arc(1)တစ္ဆေတစ်ကောင်နှင့်ကြုံရခြင်း(၁၆)။
"အားယွီ၊ ကိုယ်မင်းကိုမရှာနိုင်ဘူးထင်နေတာလား။"
ချင်ကျိ၏လက်ချောင်းထိပ်များကချူရှစ်ယွိ၏မျက်ခုံးကိုပွတ်သပ်လို့နေပြီး သူ့မျက်ဝန်းထဲမှာလှိုက်တက်နေသည့်မြေအောက်စီးကြောင်းတစ်ခုရှိလို့နေသည်။
ချူရှစ်ယွီအောက်နှုတ်ခမ်းအသာကိုက်လိုက်မိပြီး သူ့ဆံပင်အစွန်းမှာချွေးစိုလျက်သူ့ပါးကိုကပ်လို့နေသည်။ ထိုလူကသူ့မေးစေ့ကိုပင့်မကာသူ့ကိုနမ်းလာပြီးညည်းသံမထွက်အောင်လုပ်လာသည်။
ညလေပြင်းကပြတင်းပေါက်ကိုဖြတ်၍လိုက်ကာကိုအချိန်နှင့်အမျှတိုက်ခတ်နေပြီး သူခုနကလျှော်ထားသည့်အဝတ်များမှာပြတင်းပေါက်ဘောင်ပေါ်တွင်ရေတစက်စက်ကျနေတုန်းပင်။ ရေကကြမ်းပြင်ပေါ်တစက်စက်ကျလျက် နူးညံ့သောအသံတိုင်းကသူ့ကိုဂနာမငြိမ်ဖြစ်စေသည်။
ချူရှစ်ယွီအချုပ်အနှောင်မှရုန်းထွက်ကြည့်ပေမဲ့ကံဆိုးချင်တော့ဒီကြိုးစားအားထုတ်မှုတိုင်းမှာအလကားဖြစ်နေမှန်းသိလိုက်ရသည်။ သူဟာချင်ကျိထံမှမက်မက်မောမောနမ်းရှိုက်ခံနေရသည်။
ထိုလူကချူရှစ်ယွီကိုအသိမပေးဘဲထွက်သွားသည့်အတွက်တိတ်တဆိတ်အပြစ်ပေးနေသယောင်။ သူ့အနမ်းမှာအရင်ကထက်ပိုပြင်းထန်နေပုံက မသိရင်မနမ်းရတာကြာပြီအလား နွေးထွေးကာအလျင်လိုလို့နေသည်။
"အွန်း။"
ဒီမှောင်မည်းသောဖိနှိပ်မှုကချူရှစ်ယွီကိုတုန်ရီသွားစေသည်။ သူဟာအနမ်းကြောင့်အသက်ရှူရခက်လာပြီး သူ့မျက်ဝန်းထဲမှာမနေနိုင်ဘဲမြူများဖြစ်တည်လာသည်။
သူခေါင်းလှည့်ကာပင့်သက်ရှိုက်လိုက်သည်။
"ချင်ပိုင်ကျိုးကျွန်တော့်ကိုလိုက်မနှောင့်ယှက်နဲ့တော့။ ကျွန်တော်ခင်ဗျားအတွက်စက္ကူမီးရှို့ပေးပြီး ခင်ဗျားလူပြန်ဝင်စားရဖို့ကူညီပေးနိုင်တယ်....ခင် ခင်ဗျားမှာလိုချင်တာရှိလား။ ကျွန်တော်ခင်ဗျားကိုကူညီဖို့အတတ်နိုင်ဆုံးကြိုးစားပေးမယ်လေ?"
ချူရှစ်ယွီဒီခက်ထန်သောတစ္ဆေနှင့်တုန်ရီသောအသံဖြင့်ဆွေးနွေးကြည့်လိုက်သည်။ သူခြောက်ကပ်ကပ်တံတွေးမျိုချကာအနမ်းကြောင့်နည်းနည်းဇဝေဇဝါဖြစ်လို့နေသည်။
YOU ARE READING
မိစ္ဆာတွေကငါ့ကိုစွဲလမ်းနေကြတယ် | ဘာသာပြန်။
Horrorချူရှစ်ယွီအဆုံးမဲ့ဂိမ်းထဲမတော်တဆကျရောက်သွားခဲ့သည်။ သူသိလိုက်ရတာက ပင်မဇာတ်ကြောင်းမှာနဂိုဆက်တင်အတိုင်းမသွားရုံတင်သာမက သူလည်းပဲ....မှောင်ရိပ်ခိုလျက်သူ့ကိုထောက်လှမ်းနေသည့်မကောင်းဆိုးဝါးတစ်ကောင်ပြီးတစ်ကောင်ကြုံတွေ့ခဲ့ရသည်။ [ တုံးအအအလှလေးရှို့ x ပိုင်ဆိုင...
