Arc(1)တစ္ဆေတစ်ကောင်နှင့်ကြုံရခြင်း(၅)။
ချူရှစ်ယွီမနက်စောစောသူ့အဖွားအတွက်မနက်စာပြင်ပေးလိုက်သည်။ သူကျောင်းလွယ်အိတ်ကိုကျောမှာလွယ်ကာအောက်ထပ်မှနေ၍ သူ့အဖွားကိုသုံးလေးကြိမ်အော်ခေါ်ပေမဲ့မတုံ့ပြန်လာတာမို့ ချူရှစ်ယွီအနည်းငယ်စိတ်ပူသွားကာ ကျောင်းလွယ်အိတ်ကိုမြန်မြန်အောက်ချပြီး ဒုတိယထပ်ကိုပြေးတက်သွားကာသူ့အဖွားအခန်းတံခါးကိုသွားခေါက်လိုက်သည်။
"အဖွားနိုးပြီလား။"
တံခါးအတွင်းမှာတိတ်ဆိတ်လျက်သာ။
ချူရှစ်ယွီတံခါးကိုပိုပြင်းပြင်းခေါက်ကာအော်ခေါ်လိုက်သည်။ "အဖွား?"
အခန်းမှာဆယ်စက္ကန့်ကျော်တိတ်ဆိတ်နေပြီးမှ အဖွား၏အက်ရှရှအသံထွက်လာသည်။ သူမကဖိနပ်ဝတ်လျက်တံခါးဆီဖြည်းဖြည်းချင်းလျှောက်လာသည်။
"မနက်စောစောစီးစီး ဘာလို့ဆူညံနေတာတုန်း ချွိချင်းရှန်း? နင်ငါ့ကိုမမြင်..."
တံခါးမှာကျွီခနဲပွင့်ကာ ခပ်ကျဥ်းကျဥ်းဟလာသည်။ ဟပေါက်မှတဆင့် ချူရှစ်ယွီသူ့အဖွားအခန်းမှထွက်လာသည့်အနီရောင်အလင်းနှင့် အနီရောင်ဖယောင်းတိုင်အလင်းကိုတဝိုးတဝါးမြင်လိုက်ရသည်။
အဖွားကအိပ်ခန်းထဲမှာဖယောင်းတိုင်ထွန်းထားတာပဲ။
ဒါပေမဲ့ချူရှစ်ယွီနည်းနည်းလေးသာမြင်လိုက်ရသည်။ သူ့အဖွားကအခန်းထဲမှခပ်သွက်သွက်ထွက်လာပြီး တံခါးကိုလက်နောက်ပစ်လျက်ပိတ်ပစ်လိုက်တာမို့။
တံခါးဝမှာရပ်နေသူကချူရှစ်ယွီမှန်းမြင်သွားတော့ အဖွားမျက်ဝန်းထဲမှာအံ့အားသင့်မှုဖျတ်ခနဲလက်သွားသည်။ သူမကသူ့ကိုမျက်ဝန်းသေများနှင့်အကြာကြီးစိုက်ကြည့်လျက်မသိမသာတောင့်ခဲသွားပြီးမှ ပြန်ကောင်းလာပြီးခေါင်းလှည့်လိုက်သည်။
"ဘာလိုချင်လို့လဲ။"
ချူရှစ်ယွီမှာမြင်ကွင်းကြောင့်ကြောင်အမ်းနေပြီးမှပြောလိုက်သည်။
"မနက်စာစားချိန်လေအဖွားရဲ့။"
အဖွားကရေချိုးခန်းဆီဖြည်းဖြည်းချင်းလျှောက်သွားပြီး သူမ၏ခြေလှမ်းများမှာစောင်းရွဲ့လျက်။ "ငါသိတယ်။"
YOU ARE READING
မိစ္ဆာတွေကငါ့ကိုစွဲလမ်းနေကြတယ် | ဘာသာပြန်။
Horrorချူရှစ်ယွီအဆုံးမဲ့ဂိမ်းထဲမတော်တဆကျရောက်သွားခဲ့သည်။ သူသိလိုက်ရတာက ပင်မဇာတ်ကြောင်းမှာနဂိုဆက်တင်အတိုင်းမသွားရုံတင်သာမက သူလည်းပဲ....မှောင်ရိပ်ခိုလျက်သူ့ကိုထောက်လှမ်းနေသည့်မကောင်းဆိုးဝါးတစ်ကောင်ပြီးတစ်ကောင်ကြုံတွေ့ခဲ့ရသည်။ [ တုံးအအအလှလေးရှို့ x ပိုင်ဆိုင...
