حست بأيد على دماغها بتمسح على شعرها فتحت عيناها لقت نفسها نايمة راسها على رجل ابوها
قامت بسرعة حضنته فارتسمت ابتسامة على محياه قائلا : مقدرش ارفضلك طلب ي حبيبت بابا
نزلت دموعها واتكلمت برجاء : ليه سيبتنى ي بابا
رد عليها بحنان وهو بيمسح دموعها: كل واحد لينا وقت وانا وقتى خلص لاكن انتى وقتك لسه قدامك حياة مع جوزك
نزلت راسها واتكلمت ب حزن : جواز كاذب
رفع وشها ليه واتكلم بحنان وابتسامة : كدب عليكى فى سبب جوازك لاكن مكدبش فى حبه ليكى خلى بالك منه وسلميلى عليه ي حياة
حياة رجعت حضنته وغمضت عيناها لكن لما فتحتها كانت
فى حضن ادهم اللى كان بيطبطب عليها بحنان وهو مغمض عينه
بصت حوليها لقت نفسها فى اوضة والدها افتكرت لما طلبت منه تنام فيها
قامت ومسكت دراعها بالم راحت ناحية خزنتة اللى كان عاملها ب كلمة سر عيد ميلاد مامتها
فتحتها لقت فيها صندوق خدته وقعدت على الارض سانده على السرير وفى ضوء خافت من الشباك قدمها
فتحته لقت جواه ذكريات مامتها اللى ابوها فضل محتفظ بيها
خدت ألبوم صور جواز باباها ومامتها وقعدت اتفرجت على الصور لحد ما لقت صورها هيا كمان لكن مع ابوها بس
وفى اخر البوم كان فيها سلسلة جميلة اوى ورقيقة فيها شكل صغير بس كان عبارة عن عروستين راجل حاطت ايده على بطن مراته الحامل مكنش فيها ملامح لاكن كانت عارفة
انها هديت والدها لمامتها اللى حكالها انه شالها عشان يقدمها لمراته اما تولد
لكنها ماتت وملحقش حتى يورهالها ف عاش محتفظ بيها
باستها بحب نزلت دموعها غصب عنها ولبستها وهى بتلمس اطرفها
حست بأيد ادهم اللى مسحت دموعها رفعت وشها ليه واترمت في حضنه وهى بتردد : بابا جالى فى الحلم ي ادهم وقالى اخلى بالى منك وبيسلم عليك
ادهم بأس ايدها اللى كانت ملفوفة بشاش ابيض مكان الجرح وبعدين بأس دماغها بحنية وهو بيقوم عشان يقعد على السرير وهى فى حضنه زى الطفلة : مش حابه توريني صورك مع بابا
كانت لسه ماسكة الألبوم بايدها السليمة فتحته وهى لسه نايمة على صدره وابتسمت وهى بتوريله الصور وبتحكيله ذكرياتها : دى كانت فى عيد ميلادى الاول كنت انا وبابا فى الملاهي
ودى كنت فى عيد ميلادى التانى ..هنا بقى كنا بنتصلق جبال ..وهنا كنا بنلعب فى التلج ..هنا بقى كنا فى متحف اسماكك كبير شوفت انواع اسماك كتيره اوى كان شكلى صغير وقتها
أنت تقرأ
غرام الادهم
Romanceماتت والدتها منذ صغرها عاشت حياتها مع والدها الذى أتى وقته هو الاخر ليترك الحياة لكنه لم يفارق الحياة الا بعدما كتب وصيته الذى سوف تغير حياة ابنته الوحيدة اميرته المدللة الذى لا يستطيع تركها وحيده وسط الحياة سوف تظنها وصية تنقل أملاك والدها لها لتت...
