غرام الادهم

part 66

الجزء الثالث

حقيقة

سليم كان مصدوم واللى جه فى دماغه سؤال واحد : مين اللى بعتلك التسجيل دا

روح اتكلمت بسخرية : دا اللى همك

سليم متكلمش لانه مش عارف يقولها اى فاكملت هيا : برغم السنين اللى عشناها سوا الا ان بعد الفويس دا ثقتى كلها اتهدت فيك ومش قادره أقرب منك ولا ابص فى عينيك وانا مطمنة

كانت هتمشى لكنه وقفها وهو بيمسك ايدها : روح اسمعيني

روح كان نفسها تسمع منه تبرير على اللى عمله ويمكن دا اللى وقفها وخلها تنطق بهدوء : سمعاك

سليم اتكلم بهدوء : انا مكنش هدفى حاجة وحشة انا صعب عليا زعلك لما نزلتي اول كتاب ليكى وانطقو كنت عايز احسسك انك ناجحه و بتقربى من حلمك عشان متيأسيش

روح عيناها دمعت وبصت ليه وهى بتتكلم : لحظة يعنى حتى المعجبين اللى كانو بيجو طالبين توقيعى كانو وهم

سليم سكت وهى مستحملتش سكوته ف اتكلمت بانفعال : سليم رد علياااا متسكتشش

سليم مكنش عنده حاجة يقولها عينه كانت تقدر تقرى اللى في فيها وتأكد اللى قالته خصوصا لما قال بهدوء : كنت عايز افرحك

روح اتكلمت بعصبية ودموعها نزلت غصب عنها : انا انتقادات الناس كانت ارحم من اللى احنا فيه حرام عليك ي سليم مش عارفة اقولك غير برافووو ثقتى ضاعت فيك

سابته ودخلت الحمام وهي بتقفل الباب على نفسها

بص اتجاه الباب لما سمع صوت عياطها قعد على الفراش ومسح شعره بعصبية

قلبه بيتقطع كل ما يسمع صوتها وهو السبب فى نزول دموعها

قرب من الباب وبدا يخبط عليه : روحى ... افتحى الباب ..خلينا نتكلم

صوتها وجعه اكتر وهي بتقوله بحزن واضح : سيبنى ي سليم دلوقتى انا محتاجة اكون لوحدى

سليم اتلكم بعناد : عمرى ما هسيبك لوحدك افتحى ي روح الباب 

روح اتكلمت ببرود وهى بتمسح دموعها : بغير هدومى

سليم اتكلم بعناد اكثر : انا جوزك عادى  وكمان داخلة تعيطى فى الحمام هتتلبسى

روح ردت عليه ودموعها وقفت  : مش بخاف ومش هفتحلك بردو وانا بغير

سليم اتنهد بتعب : طيب افتحى الباب وانا هقعد على الكنبه لحد ما تخلصى براحتك لكن متقفليش عليكى بالمفتاح