غرام الادهم

part 20

كانو فى مول كبير هو قاعد على كرسى حاطط رجل على رجل

وجوا البروفة حياة قاست فستان كان اكمامه شفافة اول ما خرجت لقت ادهم بيشاور بصباع انها ترجع

رجعت زى الشاطره وغيرته لواحد تانى ماسك على جسمها

خرجت راسها من الستارة وهيا بتتكلم ب ابتسامة: جاهز

ادهم كان متوقع الفستان من شكل ملامحها واللى خله ملامحه تقلب لما نطقت: انا عاجبنى دا اوى اوى

بصلها بحدا واتكلم ب جدية : لفى وارجعى تانى

كانت واقفة عامله زى العيلة الصغيرة وضامه ايدها مش عايزه تتحرك :بس انا عايزه دا

شاور للبت اللى كانت شايله الفساتين انها تمشى فورا حياة جريت للبروفه : عيب عيب هنفرج علينا الناس انا بقول انت صح اي رائيك نصمم واحد

ادهم كان قاعد بهدوء ورزانه : غيرى ي حبيبى وبطلى هبل

حياة حلفت انها تلففه وتتعبه وقررت تغيظه لبست فستان قصير وباكمام شفافة وخرجت

خرجت راسها فاتكلم ب جدية ونظرات تحذيرية : خشى غيرى ومتخرجيش باللى لبساه والا ملكيش لبس فساتين خالص

حياة كشرت ودخلت تانى تغير الفستان وخرجت بواحد المرادي كان محتشم ولونه رقيق جدا كانت شبه الأميرة بيه

خرجت وهى باصه لنفسها بابتسامة وحاطه ايدها فى وسطها : ها اى رائيك

كان باصص ليها بهيام مبهور بشكلها وجمالها اللى عمل شكل للفستان ونور لونه

كان متخيلها بتاج محطوط فوق راسها رقيق كانت هتكون فعلا شبه ألاميرة

اشار لها بان تتقدم وهو باصصلها ب انبهار وهى قربت مستغربة هو ماله : هو دا كمان وحش ولا اى

نطق ب جدية قلقتها : لفى

لفت وهى بتدور ب ابتسامة وهو مركز فى كل تفاصيلها

وقفها وهو بيحاوط خصرها : انا مش عارف انقبك ولا اعمل اى
حلاوتك دى اوديها فين

ضحكت بخجل : كلها

ابتسم بمكر وهمس لها بخبث: انا فعلا هكلك بس فى جناحنا

ابتعدت بتوتر وخوف من ان حد يدخل عليهم : عالفكرا ممكن اصوت واقول جوزى بيتحرش بيا مش كدا

جريت لجوا وغيرت هدومها لكن ادهم لفت نظره فستان جميل جدا اتخيل حياة فيه ونبه على البنت انه هياخده مع آخر فستان حياة
قسته