الجزء التانى
الباب الرابع
بالليل
كان خليل وصل القصر لاحظه اللى كان واقف فى شرفة جناحه بعد ما رجع من مشواره واستغرب وجوده لوحده
خليل طلع ل جناحه وبدا يجهز شنطتة وحاجتة وهو بيعمل مكالمات كتير
سمع خبط على الباب راح فتح واتكلم ب استغراب : فارس فين اى
فارس دخل وقفل الباب وشاف شنطة وحاجتة اللى بيحضرها : اى دا
خليل بص على الحاجة وساب تلفونه : هسافر وابدا حياتى من جديد
فارس بصدمة : وتسيب البيت هنا
خليل ببرود : انا رايح ابنى حياتى مش ترفيه لوحدى وفى شركة خاصة بيا
فارس باستغراب : انت كان عندك شركة تانيه اصلا
خليل راح يكمل حاجتة واتكلم بعصبية : دى حاجة تخصنى جاى ليه
فارس بحدا : اولع ي خليل اللى جايلك عشان اعرفه انك كنت مع مودة فى الرحلة وشايفك راجع لوحدك فين البت
خليل وقف قدامه واتكلم بنفاذ صبر : انا مالى انا كنت ولى امرها وكمان دي عيلة قليلة ادب مرضيتش ترجع فسيبتها تولع
فارس ضربه فى صدره : انت عيل غبى ومعندكش مسئولية ومش راجل سبت البت لوحدها هناك وشكلك اصلا سكران
خليل اتعصب عليه : هو كل شوية واحد هيدينى محاضرة تهمك روحلها ي خويا انا مش مسئول غير عن نفسى خليك انت ابو الرجولة وروح
فارس ضربه بالقلم وزقة : انت مش راجل ومش مطمنك لو روحت ولقيت البت فيها حاجة هقتلك فيها ي خليل
سابه ومشى وفعلا راح لجناحه جهز حاجتة وشال سليم اللى كان نايم عشان ياخده معاه
ولأن الكل نايم معرفش يقول لحد ركب عربيته وانطلق لمكان الرحلة بعد ما اتصل بالمدير وقاله على عنوان الرحلة
كان قلبه بيبنض بخوف حاسس انها مش كويسة كانت سرعة العربية جنونية كأنه بيحارب الطريق عشان يوصلها
*********************
فى صباح اليوم التانى
نزلت الصبح بعد ما جهزت نفسها وخدت اورقها لقت والدها قاعد بيشرب فنجان القهوة قربت منه بسرعة وابتسامة وهي بتحضنه : ي احلى صباح على احلى واجمل بابا فى الدنيا
أنت تقرأ
غرام الادهم
Romanceماتت والدتها منذ صغرها عاشت حياتها مع والدها الذى أتى وقته هو الاخر ليترك الحياة لكنه لم يفارق الحياة الا بعدما كتب وصيته الذى سوف تغير حياة ابنته الوحيدة اميرته المدللة الذى لا يستطيع تركها وحيده وسط الحياة سوف تظنها وصية تنقل أملاك والدها لها لتت...
