غرام الادهم

part 57

الجزء التالت

العودة 🫂

وقد هزم قلب الاب هذا البركان الذى يشتعل بداخله
هزم امام ابنته

سحبها يدخلها فى حضنه وهو يشدد عليها باشتياق يشعر بانقباض قلبها الخائف

امسكت ثيابه وهى تبكى بقوة حاسه بأيد ابوها بتمسح على شعرها وتطبطب عليها والايد التانية ضماها بقوة : مهما غلطى ومهما كان حجم غلطك عمرى ما هديلك ضهرى هيفضل مكانك الاول فى حضنى

عيناها لا تجف ولا تتوقف عن انزال دموعها شهقاتها وهى تهتف بصوتا مكتوم : اقسم بالله وحياة غلاوتك وحبك عندى مستحيل اغلط تانى ومستحيل اعمل اى حاجة من وراك

بنتك اتولدت من جديد ي ابويا وعلى ايدك

بعدها عنه وهو بيمسح دموعها مسكت ايده وهى بتبوسها

ضمها مرة اخرى وهو يحملها بين يداه ابتسمت وهى تدفن وجهها ب رقبته حاسه بدفئة اللى محتويها

كرها لنفسها كان بيزيد لما تفتكر انها اتحدت وخذلته فيها لكن حضنه كان بيداوي وجعها

طلع بيها لقوضتها دخل لقى حياة لسه نايمة مكانها

حطها على سريرها ودا خلاها تأن بالم بصلها وهو بيحط ايده على جرحها : وجعك

هزت راسها بالرفض وهى ماسكه ايده باحكام : كنت تعبانه بس دلوقتى انا حاسه ان مرتاحة و قادرة اعمل اى حاجة

نظر لها بشك ثم تحدث بهدوء : صحى والدتك

بصت لأمها وبعدين بصتله واتكلمت بابتسامة شقية : ممكن تختار حاجة تانية

هتفت حياة بغيظ وهى تنهض : سمعاكى ي جذمة

نور ضحكت بخوف وتورط ادهم ابتسم غصب عنه لما لقاها بتتجنب تبصله

نور اتكلمت بخبث : معقول ي ماما زعلانه من بابا دا قمر

حياة قامت وهى بتسند على كتفه وبتلبس شبشبها بغيظ : القمر مهتمش يصالح حياته

خرجت بعد إنهاء جملتها فهتفت نور بابتسامة حزينة : بابا انا ممكن اسئل سؤال

نظر لها باهتمام فاكملت بتوتر : اشمعنا ماما اللى قدرت تحبها مع ان حضرتك قولت ان مفيش راجل بيحب بنت بترقص

كانت بتقطع في كلامها متوقعة غضبه لكنه فجاءها بهدوءه : انا بعرف الكويس من الوحش ودا من نظره واحده
مامتك مكنتش وحشة ولا من اللى مصحباهم هيا عاشت حياتها كدا
كانت محتاجة اللى يقدر يبعدها عن الطريق دا بس يملى حياتها
انا اختارت امك اللى ملهاش الا انها تتصان كنت حابب دلعها وشقوتها واللى بيهون عليا كتير
شلتها جوا عينى وقلبى وروحى اصل هيا روحى اللى اتوصيت ان احافظ عليها
حتى خصامها جميل كله شقاوة و مودة ومصالحتها احلى كلها دلع وحنان