Mysterious Love
~~~~~~~~~~~~~~
Part - 31
~~~~~~~~~
ရတနာကတော့ဒီညမှာ ချွေးမလေးရဲ့တောင်းဆိုမှုကြောင့် လုံးဝခြေမချတော့ဘူးလို့သတ်မှတ်ထားတဲ့အိမ်ကိုရောက်နေမိသည်
သူမမှာ ချွေးမလေးရဲ့အချွဲခံရမှုကိုမခံနိုင်တာကြောင့် ဒီကိုလာဖို့လက်ခံလိုက်ရတော့၏
အခုတော့သူမမှာခြံရှေ့မှာရပ်နေမိတာအတော်ကြာနေလေပြီ
" မေမေ "
မေပျိုကတော့ မေမေရောက်မလာသေးလို့ခြံရှေ့ကိုထွက်ကြည့်လိုက်တော့ မေမေကကားဘေးမှာရပ်နေလေသည်
" သမီး "
" မေမေကလည်း သမီးကိုဖုန်းဆက်လိုက်တာမဟုတ်ဘူး ရောက်နေတာကြာပြီလားဟင် "
" ခုနလေးတင်သမီး "
" အထဲဝင်ကြမယ်နော် မေမေ "
" မေမေ ခြံထဲမှာပဲနေတော့မယ်နော် သမီး "
" မေမေကလည်း အိမ်ထဲမှာ Birthday Party ရှိတာကို "
" သမီးနော်ကတိမဖျက်ရဘူး "
" လုပ်ပါမေမေရယ်နော် ကိတ်မုန့်ခွဲတဲ့အချိန်လေးပဲရှိပေးလေနော် သမီးကနောက်နှစ်လဆိုရင်ပြန်ရတော့မှာမို့ အခုကအတူတူရှိချင်မိလို့ပါ "
ရတနာကတော့ ချွေးမဖြစ်သူရဲ့ အသနားခံမှုအောက်မှာမခံနိုင်စွာ အိမ်ထဲကိုရောက်လာခဲ့တော့သည်
မေပျိုကတော့ ဖေဖေနဲ့မေမေတို့ရဲ့အဖြစ်အပျက်ကိုမသိခင်ကတည်းက မေမေ့ကိုဖေဖေ့ရဲ့မွေးနေ့ပွဲကိုလာခဲ့ဖို့အရင်ပြောထားမိသည်
ဒီလိုလာဖို့ကိုမေမေက အစပိုင်းမှာအသည်းအသန်ငြင်းပေမယ့် မေပျို့မှာမေမေသနားသွားအောင် ပန်းနုသွေးလိုက်မှ မေမေကအခုလိုလာဖို့လက်ခံခဲ့ခြင်းပင်ဖြစ်၏
" မေမေ "
သူရိန်ကတော့ အိမ်ထဲကိုဝင်လာတဲ့မေမေ့ကိုမြင်လိုက်ရတာမို့ အံ့သြသွားရသည်
သူတင်မဟုတ် ဧည့်ခန်းထဲမှာရှိသမျှလူအားလုံးကလည်း အံ့သြနေကြဟန်ရှိ၏
" ဟယ် ထရက်ရှာ ဘယ်လိုဖြစ်ပြီးရောက်လာတာလဲ "
ဖီရိုနာကတော့ ရတနာ့ကိုစမြင်ကတည်းက စစ်နိုင်ခေါ်သလို ထရက်ရှာ လို့ပဲခေါ်နေတာ ယနေ့ထိပင်
YOU ARE READING
Mysterious Love (Ongoing)
RomanceZoom Class တစ်ခုမှာတွေ့ရတဲ့ဆရာကို စိတ်ဝင်စားရာကနေ မတော်တဆတစ်ခုကြောင့် နှစ်ယောက်သားလက်ထပ်လိုက်ရပြီး ကောင်မလေးဘက်ကနေ ဆရာဖြစ်သူကို ချစ်စိတ်တွေပေါက်ဖွားလာအောင် ဘယ်လိုလုပ်ဆောင်မလဲ?
