" Mysterious Love "
~~~~~~~~~~~~~~~~
Part - 10
~~~~~~~
" ဆရာ ထမင်းချိုင့်ထည့်မှာလား "" အင်း "
" ဒါဆို မေပျိုထည့်လိုက်မယ်နော် "
" ကောင်းပြီ "
သူရိန်ကတော့ အခန်းထဲမှာအဝတ်အစားလဲရင်းနှင့်ပင် မေပျိုငယ်မေးတာတွေကိုဖြေနေရသည်
ဒီနေ့က နှစ်ယောက်အတူတူရုံးသွားကြရမယ့်နေ့မို့လို့ မနက်ကတည်းကပင်နှစ်ယောက်လုံးအလုပ်ရှုပ်နေကြသည်
မေပျိုငယ်ကတော့ အကုန်ပြင်ဆင်ပြီးတာနဲ့ kitchen ထဲဝင်ပြီး ထမင်းချိုင့်ပြင်နေတာမို့ သူရိန်လည်းပစ္စည်းတွေပြန်စစ်နေလိုက်သည်
" ဆရာနဲ့မေပျို ရုံးကိုအတူတူလာတာသိရင် ရုံးကလူတွေဘာပြောကြမလဲမသိဘူးနော် "
" မင်းက ဘာပြောစေချင်လို့လဲ "
" ဘာမှမပြောစေချင်ပါဘူး မေပျိုကတော့သူတို့လာမေးရင် ဆရာက မေပျို့ယောက်ျားပါဆိုပြီးပြန်ပြောလိုက်မှာ "
" ကောင်းပြီ မင်းသဘောပဲ "
ဆရာကမတားမြစ်တာမို့ မေပျိုလည်းပျော်သွားပြီး ကားမောင်းနေတဲ့ဆရာ့ရဲ့လက်တစ်ဖက်အပေါ်ကို သူမရဲ့လက်ကိုတင်ပြီး ဆရာ့ရဲ့လက်ကိုဆုပ်ကိုင်ထားလိုက်သည်
" ကျွန်တော်ကားမောင်းနေတယ် မေပျိုငယ် "
" မေပျိုမြင်သားပဲဆရာရဲ့ "
" မြင်ရင်လက်ကိုလွှတ်လိုက် "
" မလွှတ်ချင်ပါဘူးနော် "
" ကားမောင်းတာအန္တာရာယ်ဖြစ်မှာစိုးလို့ပြောနေတာ "
" ဆရာကလည်း ဘာမှန်းလည်းမသိဘူး ဇာတ်ကားတွေ စာအုပ်တွေထဲမှာဆို ကားမောင်းနေရင်း သူတို့ကောင်မလေးလက်ကိုကိုင်ထားနေကြ "
" အဲ့ဒါ ဇာတ်ကားနဲ့စာအုပ်တွေထဲက ဒါကလက်တွေ့အခြေအနေ အန္တရာယ်မရှိနိုင်ဘူးလို့မပြောနိုင်ဘူး "
" ဟွန့် မကိုင်တော့ဘူး ရပြီလား "
သူဆူတောင်မဆူရသေး စိတ်ဆိုးသွားပြီဖြစ်တဲ့မေပျိုငယ်ကြောင့် သူရိန်လည်းခေါင်းသာရမ်းလိုက်မိသည်
YOU ARE READING
Mysterious Love (Ongoing)
RomanceZoom Class တစ်ခုမှာတွေ့ရတဲ့ဆရာကို စိတ်ဝင်စားရာကနေ မတော်တဆတစ်ခုကြောင့် နှစ်ယောက်သားလက်ထပ်လိုက်ရပြီး ကောင်မလေးဘက်ကနေ ဆရာဖြစ်သူကို ချစ်စိတ်တွေပေါက်ဖွားလာအောင် ဘယ်လိုလုပ်ဆောင်မလဲ?