Mysterious Love
~~~~~~~~~~~~~~~
Part - 25
~~~~~~~~
မေပျိုတစ်ရေးနိုးလာလို့ နာရီကိုကြည့်လိုက်တော့ မနက် ၄နာရီပဲရှိသေးသည်
ကိုကြီးကိုကြည့်လိုက်တော့ ကိုကြီးကတစ်ဖက်ကိုလှည့်ပြီး နှစ်နှစ်ခြိုက်ခြိုက်အိပ်မောကျနေလျက်
ညတုန်းကအဖြစ်အပျက်ကိုပြန်တွေးမိတော့ ရှက်သလိုလို ကျေနပ်သလိုလိုနှင့်
ညက ကိုကြီးကိုယ်တိုင်ပဲ သူမကိုသန့်ရှင်းရေးလုပ်ပေး အဝတ်အစားဝတ်ပေးနှင့် တစ်ယောက်တည်းဗြာများခဲ့ရသည်
ဒါ့အပြင်အိပ်ရာခင်းတွေမှာအစွန်းအထင်းတွေဖြစ်သွားလို့လည်း လဲရသေး၏
''' ကိုကြီးကိုချစ်လိုက်ရတာဆိုတာလေ "'
မေပျိုလည်း ကိုကြီးရဲ့ကျောပြင်မှာမျက်နှာလေးအပ်ပြီး လက်ကလည်းကိုကြီးခါးကိုဖက်ထားကာ ခြေထောက်ကလည်း ကိုကြီးခြေထောက်ပေါ်ကိုခွတင်ထားပြီးပြန်ပြီးအိပ်စက်လိုက်သည်
သူရိန်ကတော့ မေပျိုငယ်ရဲ့အထိအတွေ့ကြောင့်နိုးသွားရပြီး သူမလေးဘက်ကိုလှည့်ကာ ရင်ခွင်ထဲကိုဆွဲသွင်းလိုက်သည်
" နိုးသွားတာလားဟင် ကိုကြီး "
" အင်း .... ပြန်အိပ်တော့သည်းငယ် စောသေးတယ် "
" ဟုတ် "
မေပျိုလည်းကိုကြီးရဲ့ပါးပြင်လေးကို အနမ်းဖွဖွလေးပေးလိုက်တော့ ကိုကြီးကမျက်လုံးတွေမဖွင့်ဘဲ ပြုံးလာလေသည်
ထို့နောက်တွင်တော့မေပျိုလည်း ကိုကြီးရဲ့ရင်ခွင်ထဲကိုတိုးဝင်ပြီး အိပ်စက်လိုက်တော့သည်
Sunday ဖြစ်နေလို့တော်သေးသည်ပြောရမည်။ မေပျိုနဲ့ကိုကြီးနှစ်ယောက်လုံး ၁၀ နာရီမှအိပ်ရာနိုးကြသည်
" အဝတ်အစားတွေလည်းမသိမ်းရသေးဘူး ကိုကြီး "
" နည်းနည်းပဲထည့်လေသည်းငယ် ကလောရောက်မှကျွန်တော်လိုက်ဝယ်ပေးမယ် "
" ရာသီဥတုကအေးမှာလားဟင် ကိုကြီး "
" မိုးတွင်းဆိုတော့ အနည်းငယ်ပဲအေးမှာပါ "
" ဘာပဲဖြစ်ဖြစ် အနွေးထည်ပဲများများထည့်လာတော့မယ် "
" သည်းငယ်ရဲ့ skincare တွေမမေ့နဲ့ဦး "
YOU ARE READING
Mysterious Love (Ongoing)
RomanceZoom Class တစ်ခုမှာတွေ့ရတဲ့ဆရာကို စိတ်ဝင်စားရာကနေ မတော်တဆတစ်ခုကြောင့် နှစ်ယောက်သားလက်ထပ်လိုက်ရပြီး ကောင်မလေးဘက်ကနေ ဆရာဖြစ်သူကို ချစ်စိတ်တွေပေါက်ဖွားလာအောင် ဘယ်လိုလုပ်ဆောင်မလဲ?
