Mysterious Love
~~~~~~~~~~~~~~
Part - 5
~~~~~~
" ဆရာရယ် bus ကားစီးရတာ မသက်သာလိုက်တာ "
" ဘာလို့လဲ "
" အသွားရောအပြန်ရော ကားကတစ်အားကြပ်တာပဲ လူလည်းပင်ပန်း၊ ပစ္စည်းတွေကိုလည်းထိန်းသိမ်းရ၊ ကားကြပ်တဲ့ကြားထဲကကို မှတ်တိုင်ကိုလည်းကြည့်ရနဲ့ အဆင်မပြေပါဘူးဆရာရယ် "
" နောက်နေ့တွေ အိမ်ကနေစောစောထွက်ပြီး ညနေကျ နာရီဝက်လောက်စောပြီးပြန် "
" စောပြီးသွားမယ်ဆိုရင် အိပ်ယာစောစောထရမှာပေါ့ ဆရာရဲ့ ပြီးတော့ရုံးကနေ နာရီဝက်စောပြီးပြန်ရင်လည်း လစာကဖြတ်ခံရဦးမယ် "
" ဒါဆိုလည်းဖြတ်ခံလိုက်ပေါ့ "
" ဟွန့် ပြောတာကတော့လွယ်လိုက်တာ ..... လစာဖြတ်ခံရရင်မမိုက်ဘူးဆရာရ "
" မင်းရုံးက ၅နာရီဆင်းတာမလား "
" ဟုတ် "
" ကျွန်တော်အားရင်လာကြိုပေးမယ် မအားရင်တော့ taxi ဖြစ်ဖြစ်ငှားလာလိုက်ပေါ့ "
" တကယ်ကြီးလာကြိုပေးမှာလား ဆရာ "
" အင်း အားတဲ့ရက်တွေပါပဲ "
" ဒါဆိုလည်း နေ့တိုင်းအားလိုက်နော်ဆရာ .... မေပျို ရေချိုးတော့မယ်နော် "
သူရိန်ကတော့ သူ့ကိုပြောပြီးတာနဲ့ အခန်းထဲကိုပြေးဝင်သွားတဲ့ မေပျိုငယ်ကြောင့် ခေါင်းရမ်းလိုက်မိသည်
မေပျိုကတော့ ဆရာ့ကိုပြောပြီးတယ်ဆိုရင်ပဲ အခန်းထဲကိုဝင်လိုက်ပြီး ရေချိုးဖို့ပြင်လိုက်သည်
စိတ်ထဲမှာတော့ ဆရာကလာကြိုပေးမယ်ဆိုတာကြောင့် ဝမ်းသာနေလျက်
သူမရေချိုးလို့ပြီးတော့ ဆရာကစာကြည့်ခန်းထဲဝင်သွားဟန်တူသည် ဧည့်ခန်းထဲမှာမတွေ့ရပေ
မီးဖိုချောင်ထဲဝင်ကြည့်လိုက်တော့ တုန်ယမ်းဟင်းချိုနဲ့ ပုစွန်ချက်ထားတာတွေ့လေသည်
" အင်း.....ဆရာဝယ်လာတာထင်တယ်....ဝယ်လာတော့လည်းကောင်းတာပေါ့လေ ငါသက်သာတာပေါ့ "
အချိန်အားဖြင့် ၆နာရီပဲရှိသေးတာမို့ တစ်ခုခုစားချင်လာတာနဲ့ တစ်ဖက်လမ်းက street food တွေရှိရာဆီသွားဖို့ပြင်ဆင်လိုက်သည်
YOU ARE READING
Mysterious Love (Ongoing)
RomanceZoom Class တစ်ခုမှာတွေ့ရတဲ့ဆရာကို စိတ်ဝင်စားရာကနေ မတော်တဆတစ်ခုကြောင့် နှစ်ယောက်သားလက်ထပ်လိုက်ရပြီး ကောင်မလေးဘက်ကနေ ဆရာဖြစ်သူကို ချစ်စိတ်တွေပေါက်ဖွားလာအောင် ဘယ်လိုလုပ်ဆောင်မလဲ?
