Mysterious Love
~~~~~~~~~~~~~~
Part - 4
~~~~~~
ညအိပ်ချိန်ရောက်တော့လည်း ပြသနာထပ်ရှာပြန်သည်
အိပ်ရာပေါ်က ခေါင်းအုံးရယ် စောင်ရယ် ဖက်လုံးရယ်ကိုယူပြီး အိပ်ခန်းထဲက ဆိုဖာမှာနေရာချထားပြီး သူမကဖုန်းကြည့်နေလေသည်
" ဒီမှာ စောင်ကတထည်ပဲရှိတာ ပြန်လာထားချေ "
" ရော့.....အဲ့လောက်ဖြစ်ပျက်နေတာ မယူဘူး "
စိတ်ဆိုးမာန်ဆိုးနဲ့စောင်ကိုပြန်လာပေးသွားပြီးတော့ သူ့ဗီဒိုထဲကနေ အနွေးထည်အထူကြီးကိုယူပြီး စောင်အဖြစ်ခြုံထားလေ၏
ဒီအရွယ်တွေက ဒီလိုတွေရှိတာသိပေမယ့်လည်း လက်တွေ့ကြုံနေရတော့ သူ့မှာစိတ်ညစ်နေရသည်
ကလန်ကဆန်လုပ်တတ်သည်၊ အရွဲ့တိုက်တတ်သည်၊ ကဂျီကဂျောင်လည်းကျသည်၊ တပတ်အတွင်းမှာဒါတွေကြုံနေရပေမယ့် နောက်ဆိုရင်ဘာတွေကြုံရဦးမလဲတွေးပြီး သက်ပြင်းရှည်ကြီးချလိုက်မိသည်
ည ၁၂ နာရီထိ မေပျို့မှာအခန်းကအေးလွန်းလို့ အိပ်လို့တောင်မရပေ
ဒီကြားထဲ မိုးကလည်းရွာနေသေးတာမို့ အအေးဓာတ်က အရင်ကထက်လွန်ကဲနေသည်
" ကျစ် "
မနေနိုင်တဲ့အဆုံးမှာတော့ ခေါင်းအုံးနဲ့ဖက်လုံးကိုပြန်ယူပြီး ကုတင်ပေါ်ကိုပြန်သွားရသည်
သူမတက်လာလို့ထင်ပါရဲ့ ကုတင်ကအနည်းငယ်လှုပ်သွားပြီး ဆရာလည်းနိုးလာသည်
" လာချင်လို့လာတာမဟုတ်ဘူး စောင်မရှိတော့အရမ်းအေးလို့ပြန်လာတာ "
" အိုခေ "
ထို့နောက်မေပျိုလည်း စောင်ထဲကိုဝင်လိုက်ပြီး ဆရာ့ရဲ့ရင်ခွင်ထဲကိုပါတစ်ခါတည်းဝင်လိုက်သည်
သူငယ်ချင်းတွေက နင့်ဆရာစိတ်ဆိုးနေရင် သူ့ရင်ခွင်ထဲဝင်ပြီးအိပ်လိုက် စိတ်ဆိုးပြေသွားလိမ့်မယ်ဆိုလို့ မေပျို့မှာရှက်ရှက်နဲ့ပဲ ဆရာ့ရင်ခွင်ကိုမျက်နှာအပ်ပြီး လက်နှစ်ဖက်ကလည်းဆရာ့ရဲ့အကျီစကိုကိုင်ထားပြီး ငြိမ်နေလိုက်သည်
သူရိန့်ခမျာမှာတော့ ထိုအပြုအမူကြောင့် ရုတ်တရက်ဘာလုပ်လို့လုပ်ရမှန်းမသိဖြစ်သွားရသည်
YOU ARE READING
Mysterious Love (Ongoing)
RomanceZoom Class တစ်ခုမှာတွေ့ရတဲ့ဆရာကို စိတ်ဝင်စားရာကနေ မတော်တဆတစ်ခုကြောင့် နှစ်ယောက်သားလက်ထပ်လိုက်ရပြီး ကောင်မလေးဘက်ကနေ ဆရာဖြစ်သူကို ချစ်စိတ်တွေပေါက်ဖွားလာအောင် ဘယ်လိုလုပ်ဆောင်မလဲ?
