Mysterious Love
~~~~~~~~~~~~~~
Part - 1
~~~~~~
အရာရာက ကိုယ်ဖြစ်ချင်တဲ့အတိုင်းဖြစ်မလာသလို ကိုယ်မထင်ထားမိတဲ့အရာတွေကလည်း ဖြစ်လာတတ်တယ်
ဒီလိုကြောင့်ပဲ ဘဝက ပြောင်းလဲသွားတယ်ထင်ပါရဲ့
အင်း........ကောင်းသောပြောင်းလဲခြင်းပေါ့လေ
ဒီလိုပြောင်းလဲခြင်းရဲ့အစက........
" ညီမလေးနဲ့ မဆွေကို ဆရာခေါ်နေတယ် "
" ဟုတ် အမ "
မေပျိုငယ်လည်း လုပ်လက်စအလုပ်တွေကိုထားခဲ့ပြီး စီနီယာအမဆွေဆွေ နဲ့အတူတူ ဆရာ့ရုံးခန်းရှိရာကို သွားလိုက်ကြသည်
ရုံးခန်းထဲရောက်တော့ ဆရာနဲ့အတူတူ မန်နေဂျာဦးနိုင်လင်းကိုပါ တွေ့လိုက်ရသည်
" ထိုင်ကြ သမီးတို့ "
" ဟုတ်ကဲ့ ဆရာ "
နှစ်ယောက်သားအတူတူပြောလိုက်ကြပြီး ဝင်ထိုင်လိုက်ကြ၏
" နေပြည်တော်ရုံးချုပ်ကနေ အစည်းအဝေးတက်ဖို့ mail ပို့လာတာ သိတယ်မလား "
" ဟုတ်ကဲ့ဆရာ ဒီမနက်ကပဲ mail ဝင်လာတာ "
အမဆွေကပြောလိုက်တော့ မေပျိုလည်းခေါင်းညိတ်ပြီးထောက်ခံလိုက်သည်
" ပုံမှန်ဆို ကိုနိုင်ကိုပဲလွှတ်နေကြပေမယ့် ဒီတစ်ခေါက်ကိုနိုင်ကလည်း ဝါးခယ်မကိုသွားစရာရှိနေတယ် "
" ဟုတ်ကဲ့ ဆရာ "
" သမီးတို့နှစ်ယောက်က LD ရဲ့ တာဝန်ရှိသူတွေဆိုတော့ သမီးတို့ပဲသွားလိုက်ကြပေါ့ ဒီကနေကားသမားတစ်ယောက်ထည့်ပေးလိုက်မယ် "
" ညည်းတို့သွားရင် ဘောနပ်စ်ပေးမယ်လို့ ဆရာကပြောတယ် "
ဆရာနဲ့အတူတူ မန်နေဂျာကပါ ဝင်ပြောလာတာမို့ သူမတို့နှစ်ယောက်မှာ ခေါင်းညိတ်ရမလို ခေါင်းခါရမလိုနှင့်
" အဝတ်အစားရော အစားအသောက်အတွက်ပါ ဆရာက အကုန်လုံးစီစဥ်ပေးထားတယ် နေပြည်တော်ရောက်ရင်တော့ ရုံးချုပ်ကလူတွေက တည်းဖို့အတွက်ပြင်ပေးထားလိမ့်မယ် ညည်းတို့ကဒီကနေ လိုအပ်တဲ့စာရွက်စာတမ်းတွေနဲ့ laptop ယူသွားရုံပဲ "
YOU ARE READING
Mysterious Love (Ongoing)
RomanceZoom Class တစ်ခုမှာတွေ့ရတဲ့ဆရာကို စိတ်ဝင်စားရာကနေ မတော်တဆတစ်ခုကြောင့် နှစ်ယောက်သားလက်ထပ်လိုက်ရပြီး ကောင်မလေးဘက်ကနေ ဆရာဖြစ်သူကို ချစ်စိတ်တွေပေါက်ဖွားလာအောင် ဘယ်လိုလုပ်ဆောင်မလဲ?
