Uni
အခန်း (၄၈၁) အမြဲထာဝရ "နောင်တ"
ချန်လီထွက်ပြေးသွားသည်နှင့် ကြီးမားသောနတ်ဆိုးလက်ကြီးနှစ်ဖက်က ယွမ်ကျန်းဖုန်းအား ပစ်မှတ်ထားတိုက်ခိုက်လာကြသည်။
ခရမ်းရောင်မိစ္ဆာလက်ကြီးထံမှ အနက်ရောင်ကြိုးများက အဆုံးမရှိဆန့်ထွက်လာသည်။ အနက်ရောင်ကြိုးများရောယှက်လျှက် ကြီးမားသောပိုက်ကွန်ကြီးတစ်ခုဖြစ်တည်လာပြီး ယွမ်ကျန်းဖုန်းကို လွှမ်းခြုံသွားသည်။
ငရဲကိုးထပ်ရောင်ဝါနှင့်အတူ အနက်ရောင်အခိုးအငွေ့များ ပိုမိုပြင်းထန်လာပြီး ယွမ်ကျန်းဖုန်းကို ရေဝဲဂယက်များပမာ ပိတ်ဆို့ထားသည်။
"ဂိုဏ်းတူညီလေး'ရှဲ့' ၊ ဂိုဏ်းတူညီမလေး'လီ'..."
နတ်ဆိုးလက်သည်းကြီးများအောက်တွင် လဲကျသွားသည့် ဝါဒတောင်မှ အကြီးအကဲနှစ်ယောက်ကို ယွမ်ကျန်းဖုန်း အော်ခေါ်လိုက်သည်။
ပင့်သက်တစ်ချက်ရှိုက်လိုက်ပြီး သူ့မျက်ဝန်းများက နာကျင်မှုများဖြင့် ပြည့်နက်နေသည်။ သူတို့ကို ကယ်တင်ချင်သော်လည်း ရန်သူက ပိတ်ဆို့ထားသဖြင့် မတတ်နိုင်ခဲ့ပေ။
မြေကမ္ဘာနယ်မြေ ချောက်နက်ကြီးအတွင်း ဝင်ရောက်ခဲ့ကြသော လူသားသိုင်းသမားများ တစ်ယောက်ပြီးတစ်ယောက် သေဆုံးကုန်ကြပေပြီ။
အဆုံးသတ်မှာတော့ ဖရိုဖရဲ ကခုန်နေကြသော နတ်ဆိုးတစ်သိုင်သာ ချောက်နက်ထဲတွင် ကျန်ရစ်တော့၏။
"ဆရာ သတိထား"
ဖန်ကျွင်းက အော်လိုက်သည်။
ယွမ်ကျန်းဖုန်းနှင့် အနက်ရောင်နှင့်ရွှေရောင်အလင်းတန်းများကြားတွင်နစ်မြုပ်နေသော ဖန်ကျွင်းနှင့်သာလျှင် ထိခိုက်ခြင်းမရှိသေးဘဲ ကျန်ရစ်တော့သည်။ ဖန်ကျွင်းက ငရဲကိုးထပ်မှ မိစ္ဆာချီနှင့် ရွှေရောင်နေဝန်းမှ အလင်းတန်းများ၏စွမ်းအားကြားတွင် ပိတ်မိနေသဖြင့် လှုပ်ရှားနိုင်ခြင်း မရှိပေ။
သို့သော် သူ့အနောက်ဘက်တွင် လက်ထဲ၌ ဓားတစ်လက်ကိုင်ဆောင်ထားသော ကြီးမားသည့်ပုံရိပ်ကြီးတစ်ခု မြင့်မားစွာ မတ်တတ်ရပ်နေလေသည်။ ဓားဝိညာဉ်က ခမ်းနားကြီးကျယ်ပြီး မိုးမြေတစ်ခုလုံးသို့ လွှမ်းခြုံထားသည်။
YOU ARE READING
မိုးကောင်းကင်၏ မဟာအကြံအစည် (MM Translation) Part III
FantasyHistory's Strongest Senior Brother Original Writer : August Eagle Part - 1807 Translated by Zin Pyay
