وهو جاي من صالة الرياضه توجه طول للمكتب بش يكتب كل شي سمعه.. اول ماخش لممر المرايات شاف مرته واقفه في اخره دير في شي خلاه يضحك بإستغراب.. وصل فيها لف ذراعه ع رقبتها وهو يشوف للورقه المعلقه ع الحيط ويسأل.. /هدا شني يايابانيه!؟ صبا قالت بصوت مكتوم.. /تي حول عليا غادي انت والعرق متاعك يامعفن... زاد شد عليها وقال بضحكه.. /شن هدا اللي معلقتيه ع الحيط!؟ قالتله بنفس الصوت.. /ضوابط وشروط الراجل المعدد اللي لازم تمشي عليهم ياافندي.. بضحكه قال.. /وخيرني اني مش منضبط معاكم وعادل.. قالتله:لاحبيبي انت بوعجيله..ودفاته بقوة وقالت وهي تاخد في انفاسها....نعرف اللي ماعليهاش الدور ماتستفردش بيك اليوم كله لافي مكتب ولاغيره.. حك لحيته وهو يشوف للورقه بعدين قال.. /دورك اليوم؟ عقدت حواجبها وقالت.. /لا غدوة.. ابتسم وقال.. /باهي تعالي معاي المكتب نبي نمل وانتي تكتبي.. ضحكت بفرح وشدت يده وجبداته وهي تقول.. /هيا هي.. وهو ماشي معاها ويضحك عليها...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
