#تشويق
في كوجينة ريان..
كان ريان يخدم فالمقروض وآدم مقعمز مقابله ويقرا..
دق الباب..
ريان وهو يقص في المقروض قال..
/نون النسوة..
آدم ضحك نص ضحكه
دق الباب دقة تانيه غمض ريان عيونه بنفاذ صبر وقال..
/ادخلن..
التفت آدم وهو مبتسم شاف الباب انفتح وخشت اخته ووراها مديحه وهبه وجميله اللي كانت قالبه وجهها..
ريان عقد حواجبه وقال..
/خير..
حواء وهي مبتسمه برجاء..
/بالله المرة هادي بس فهمنا في الاعراب بس بس بس..
ريان برفعة حواجب..
/نفهمكم في الاعراب!!ويحي وويح فطيمه وويح كمال واخوانهم...
" يقصد حي عليا وع بوي وامي وخالي وعمي"
ضحك آدم..
مديحه بضحكه..
/تي هيا عاد ياشيخ اكسب فيهم اجر..
رمي الموس ع الطاوله ومشي وهو معصب اشر ع الجهه اللي فيها كنبه وكرسي..
هما طول مشولها وقعمزوا..
ركز ع جميله لقاها قالبه وجهها رفع حاجبه وحول قفازاته وقال..
/وجها عبوسا قمطريرا والعياذ بالله..
آدم شبح لمذكرته وشد ضحكته..
والبنات شافوا لجميله اللي كانت تشوفله برفعة حاجب
هو مشي حط قفازاته ع الرخامة ورجعلهم حط ايديه ورا ظهره وقال..
/كان صفيتوها نبي الزردة والله مانعرفكم..
حواء قالت بضحكه..
/تو نخيطلك سورية عربيه..
ابتسموا هو آدم..
وهبه قالت بضحكه..
/تو نجيبلك ورد من مشتلنا..
قال:الله الله..وانتي يانذير الشؤوم..
قالتله برفعة حاجب..
/بنديرلك طاجين بسبوسه..
آدم قال بضحكه..
/والله مالازم..
جميلة استغربت كلام آدم..
لكن حواء وهبه ومديحه وهما شادين ضحكتهم كانوا يشوفوا لريان كيف يشوف لآدم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
..
