#تشويق
"الحب احلى حاجه في الدنيا"
هانيه بضحكه..
/امس كان ازفت حاجه في الدنيا..
فداء قالت بإبتسامه وهي ترفع في حواجبها وتنزل فيهم..
/اللي انقال امس مشي مع امس.
ضحكت هانيه وحركت راسها يمين ويسار..
تنهدت فداء وقالت بإبتسامه..
/باهي امتى تعطي للحب فرصه يخش حياتك..
بدت ع وجهه هانية ملامح ازدراء ممزوجه بتهكم..
فداء قالت بضحكه..
/نحكي جد ياقلبي..علاش ماتبيش تعطي كريم فرصه..
بضحكه تعجب قالت..
/فداء!
قالتلها:نحكي جد عمتو الراجل يحبك بصدق ومن قلبه عمره كله وهو يحبك..
قالتلها بملل:هو اني لأمتى بنقعد ديما نعاود في نفس الكلام! اني لو ربي رزقني بصغار في اول مرة تزوجت فيها مرات جبت ولد في عمره..
فداء:خليك من الدوة هادي وشوفي للوضع بنظره تانيه..كريم راجل بالغ راشد عارف شن يبي عمتو شوفي قداش ولى عمره ومافكرش يتزوج غيرك حتى التفكير..
هانيه قالت..
/ياعمري..خليك واقعيه وخلي تفكيرك منطقي..ماتجيش والله ماتجي اني نفسي مش متقبله نهائي..تنهدت وقالت..وياريت نقدر نخليه يستاقظ لنفسه للأسف مغيب عقله بالمرة..
فداء قالت بضحكه..
/لأنه يعشقك افهمي يعشقك..تنهدت وقالت..والله الحب احلى حاجة في الدنيا هي باهي..
حطت هانيه يدها ع وجهها وقعدت تضحك..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
