في ساحة مزرعة البنداريه اللي داروا فيها زردتهم.. كان الكل مشدود لمشهد قاعد يصير بين سلطان البندار وآدم وحواليهم الشباب يسمعوا فيهم.. 🌴سلطان:اني اللي تحديت ياولد يعني لازم تخش التحدي تبي ولاماتبيش.. عمران وهو يشوف لآدم بكبر قال.. /عنده حق يقولك مانخشش..عارفك بتمهزل بيه.. آدم مايباش يشوفله نهائي لكن سلطان قال.. /عارفني ماليش في لعب الفروخ ولاالحركات هادي من طباعي..شاف لآدم وقال.. نبيه يوريني اللي علمتهوله بس.. آدم:اني والله ع خاطرك انت مانبيهاش تنكتب عليك ويقولوا سلطان البندار جاه من فاته.. صاحوا الشباب وريان قعد يضحك وهو يشوف لآدم.. سلطان:والله ماكم مروحينها كان ماسابقتني ياولد انت.. آدم ابتسم ابتسامه جانبيا وقال... /خليك متفكر انت اللي اصريت.. سلطان وهو يضحك وحواجبه معقودات.. /تي وسعوا وسعوا... تباعدوا الشباب وسلطان مشي بإتجاه الاسطبل وآدم لحقه.. 🌾وبعد ماطلعوا الخيول مشوا بيهم للساحه اللي تعبت متفرجين.. منهم كمال ورجاله والشباب ومعاهم الدكتور فرحات في جهة والبنات في جهة.. واول مايبان ع حواء خوها بدت تصفق وتغني.. "آدومي هيل وفستقه احلى ولد بالمنطقه" وقعدوا البنات يغنوا معاها ماعدا مديحه اللي كانت تتأمل فيه وهي هايمه.. سلطان وهو يشوفلهم قال.. /صار هكي ياهبه ادومي!! ضحكت هبه وقالت.. /ع خاطر حويوه.. ضحكت حواء.. شاف سلطان لجميله وقال.. /حتى انتي ع خاطر حويوه؟ جميله:مالا شنو؟ وبعدين علاش ماتشبحش لخوك حتى هو يشجع في آدم.. رفع سلطان حاجبه وقال.. /اها معناها ع خاطر الشيخ ريان .. البنات قعدوا يضحكوا وجميله قالت بعصبيه واحراج.. /ع خاطر عينه.. ضحك سلطان.. وريان وآدم كانوا بعاد عليهم مايسمعوش فيهم.. ومن جهة تانيه كان كمال يتفرج ع آدم بعدين قال.. /العبد مايغلبش السيد ولد السيد..شاف جنبه وقال..ولاشن رايك يادكتور؟ ضحك فرحات بعدين قال.. /مزبوط مزبوط السيد مايغلبه كان السيد...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
