اغلبكم لاحظتهم من خلال التعليقات انهم متفاجئين في تغير بعض الشخصيات يعني وكأنه تحول بعيد عن شخصياتهم بينما في الحقيقه هالتغيير هو جزء من شخصياتهم واني ديما نقول ركزوا مع تفاصيل الشخصيه وشن يصير معاها ركزوا ع وصفي ليها لو ماكانش صريح حتلقوني نلمح تلميحات بين السطور.. يعني نزيهه من اول ظهور ليها كانت واضحة جدا شخصيتها وواضح حيكون عندها جانبين في حياتها جانب جيد وجانب سيء.. حتى زكيه في بعض المواقف بانت فيها بعض السلبيات بالذات في أي موقف يتعلق ببنتها هانيه ع قد ماتحاول تكون حقانيه تلقى نفسها تميل لنصرة هانيه بطريقة مباشرة وغير مباشرة غير هكي هي صاحبة شخصية قياديه ومسيطرة وزيها زي أغلب الأمهات تبي تكون هي صاحبه الكلمة المسموعه عند ولدها فلو حست ان الوضع ممكن يطلع عن سيطرتها حتقلب ع الوجه التاني.. وفريحه من البدايه بكل من بدايه قصتها مع تسعه كان باين عليها انها برغم طيبة قلبها شخصيه غيورة وتحاول ديما تكون عند تسعه هي الأفضل في كل تصرف ديره مانبيش نقول ان تصرفاتها الكويسه من باب النفاق لاابدا هي طيبه ومسالمه لكن طبيعي المراة لما تحب راجل وتعرف انه يحبها حتفضل ديما تقعد مستحوذة ع قلبه.. اللي نبي نوصله انكم لازم تركزوا مع الشخصيات اكثر ومع وصفي لكل افعالهم ومايدور في دواخلهم بش تفهموهم كويس وماتستغربوا شي القدام..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
