မင်တိုင်းပြည်သို့ပြန်ရောက်ပြီးနောက်တွင် လျိုကျိန်းဝေတစ်ယောက် မင်းသား၃ဟွမ်ကျောက်ရန်နှင့်ရော ဝူခယ့်နှင့်ပါမတွေ့ဖြစ်တာ ၃ရက်ပင်ရှိပြီ။ ဦးရီးတော်ကလည်း သူ့ကိုအတွေ့မခံပါ။
အဖေ့ကိုသွားတွေ့ရအောင်ကလည်း အကိုတော်၂ပြန်ရောက်လာသည်နှင့် တံခါးပိတ်ဆွေးနွေးခြင်းများသာ လုပ်နေသည်ဟုပြောသောကြောင့် သွားမတွေ့နိုင်ပါ။
သူ့ရဲ့မမကရော။ မမကတော့အခန်းပိတ်ပြီး ပန်းချီဆွဲနေပြီး ဘယ်သူ့ကိုမှ အဝင်မခံဘူးဟု ပြောကြသည်။ ဒါဆို မမဆီလည်းသွားလို့မဖြစ်သေးဘူးလေ။
အိမ်ရှေ့စံရှိသေးသည်။ သို့သော်လည်း အိမ်ရှေ့စံက အထူးတာဝန်တစ်ရပ်နှင့်နန်းပြင်သို့ထွက်သွားသည်။
အကိုတော်၅ရှိသေးတာဘဲ။ တော်ရုံဆိုအကိုတော်၅ က မထင်ပေါ်ပါ။ သူက သိုသိုဝှက်ဝှက်နှင့်အေးအေးဆေးဆေးနေတတ်သူသာ။
သူ့ခြေလှမ်းများက မင်းသား၅ရှိရာ နန်းဆောင်၏ မလှမ်းမကမ်းတွင်ရပ်တန့်သွားရသည်။
မင်းသား၅နန်းဆောင်ရှေ့တွင်ရဲမက်များစွာစောင့်ကြပ်နေသည်။
သူအရဲစွန့်ကာရှေ့ကိုလှမ်းသွားတော့ ရဲမက်များက သူ့ရှေ့တွင်ပိတ်ရပ်လေသည်။
''မင်းသားငယ်.......မင်းသား၅က ရေကျောက်ပေါက်နေတာမို့.....မကူးစက်အောင်ဝေးဝေးမှာနေပေးစေချင်ပါတယ်.......''
''ဪ......အင်း.....''
ပြန်လှည့်ထွက်ခဲ့ရပြန်သည်။ သိပ်ကိုပျင်းစရာကောင်းလွန်းလှသည်။ နန်းတွင်းက ကျယ်သလောက် အဖော်ပြုပေးမယ့်လူကသိပ်ကိုရှားပါသည်လေ။
ဟုတ်သား။ မိဖုရားရုသ်က ကိုယ်ဝန်ဆောင်ထားရပြီဟူသောသတင်းကိုလည်း ပြန်ရောက်ရောက်ခြင်းကြားရသေးသည်။ အဲ့တာကြောင့်ရော ဟွမ်ကျောက်ရန်ရဲ့ ပွဲတော်ကဒဏ်ရာကြောင့်ရော ဦးရီးတော်မအားလပ်တာဖြစ်နိုင်သည်။
ဒါပေမယ့်လည်းသူနဲ့တွေ့လို့တော့ရသေးသည်ကို ဘာ့ကြောင့်မတွေ့ရတာပါလဲ။
သူ့ခြေလှမ်းတို့က ဦးရီးတော်ရဲ့ခြံဝန်းလေးရှိရာ အနောက်ကုန်းမြင့်လေးသို့ တရွေ့ရွေ့ လျှောက်လှမ်းလာသည်။
YOU ARE READING
The Secret Of Red Rose (Complete)
Romanceနှင်းနီပွင့်လေးတစ်ပွင့်ပါဘဲ ဆူးအပြည့် လျှို့ဝှက်ချက်အပြည့်နဲ့ပေါ
