ايات . حته تعرفون من كتلكم ما اريده
فاطمه . الله كريم هسة خل ترجع اني اني رح ابقه اهنا بالبيت انتي غسلي وجهج ورتاحي ونامي اذا تريدين
ايات . اي ... طلعت فاطمه وسدت الباب اني كمت غسلت وبقيت ادعي علي اخر شي ائيست وكمت بدلت حتراريت انزل جوه واشوفه كبالي واشبع كتل لو ابقه اهنا بالغرفه واني كاتلني الجوع والله كلت خل ابقه اهنا احسنلي
يم سيف
سيف . بقيت ادك بالباب واصيح عليهه هية ولا تجاوب اني هم عفتهه وطلعت لان من صدك لو لازمه جان فصلت راسهه من جسمهه رحت للسياره وطلعت للدوام كبل بقيت اهناك للفجر شكد دكو عليه ولا جاوبت انوب شفت عدهه انترنين طبعا مو من حسابي الاصلي لا من حسابي الي جنت اعرفهه بي راسلتهه
💬💬💬
سيف . نايمه كاعده
ايات . هلا والله عاش من قره رسايلك وين هل غيبه
سيف . مشغول بين بالدوام وبالبيت
ايات . اها تمام
سيف . انتي شلونج شخبارج شلونج ويه خطيبج
ايات . بروح موتاك لتذكرني
سيف . ليش هم شصاير
ايات . سولفتله كلشي
سيف . عمه بعينكم اكو ثنين مقبلين على زواج هيج واحد يغلط ع ثاني
ايات . بشرفك صوج منو
سيف . صوجه هوة اكيد بس انتي لازم يعني جان تسكتين ومن ترجعين تكولين الامج والابوج
ايات . وشنو الفايده اذا اكوللهم رح يطبكون بصفه
سيف . يا همة غير امج وابوج انتي
ايات . اي بس بالاسم
سيف . امممم زين انشاء الله تحلين مشاكلج
ايات . عمي انته شني وضعك شنو احسك كمت تنطيني نصايح مال خبير سابق
سيف . ها لا بس يعني لان اخواني متزوجين وخواتي هم متزوجين ف يعني اعرف كم نصيحه وحبيت اقدمهه الج لان انتي مقبله ع زواج
ايات . اها عبالي متزوج قبل ومكايلي
سيف . لا عمو اني ممتزوج قبل بس يمكن رح اتزوج الايام الجايه
ايات . صدك الف الف مبروك بس كلي وين شفتهه وشلون عرفتهه
سيف . كمت اخترعلهه احداث حته متشك بشي 😂
ايات . والله خوش صدفه بس يعني شمعنه اله الريوك
سيف . والله ما ادري بس هية اني اكلج عدهه عيب واحد لو تجوز منه تطلع احسن بنيه بالكوكب كله
ايات . وشنو هذة العيب
سيف . السانهه كلش كلش كلش طويل
ايات . صدكني ماكو بنيه تطلع السانهه بدون سبب
