سعد . اخذ الجنطه وفتحهه باوع ع رفل وكال ... هاي شنو
رفل بجذب . عمو جذابه لتصدكهه هنة اخذن الفلوس وكالن نريد نطلع بيهم كتلهن حرام عليكم مال اخوكم هذة كالن معليج ردت ادك على ستار كمشني ملخني اني هم دكيت ع اخويه
حنين . بابا والله جذابه هية دائما تروح الغرفة سيف من يطلع وياهه هاي الجنطه
رفل بجذب . هاي الجنطه اصلا مو مالتي
منال . احنه ماعدنه هيج جنطه واصلا منستخدمهه
ستار بعصبيه . علي روح انته وامي اخذوا مريم للمستشفى واني وابويه وسيف وعذراء نولي نشوف الخاتون وين ضامه باقي الفلوس
علي . اي
سيف . صعدنه فوك للغرفه ستار فتح المجرات كلهن والكناتير كلهن انوب راح ع ميز مال المكياج فتح البوفيه الفلوس كلهن وكعن من عنده
ستار . منين جبتيهن
رفل بتوتر . ما اعرف مو مالاتي
ستار بعصبيه وعياط . سألتج هذني منين جبتيهن
رفل بجذب . امي انطتني ياهن
ستار بعصبيه وعياط . راح كفخهه راشدي ... وبعدج مستمره تجذبين هسة لو ماخذه ورقه ورقتين جان صدكنه امج منطيتج ياهن بس مال تاخذين 13 دفتر وتريدين نصدكج ... كفخهه راشدي ... لج بت الفكر هوة امج منينلهه حته تنطيج كل هل فلوس
سعد بعصبيه . ستار لتمد ايدك امشوا طلعوهن هذني كلهن وانه رح ادك ع ابوهه واخوانهه وعمامهه ويصير خير بوكتهه
سيف . طلعت اني من الغرفه ورحت تمددت لان هلكت كلش كمت انوب سبحت وبدلت رجعت تمددت ع جربايه وره تقريبا نص ساعه اندك الباب ... منووو
بنين . سيف كوم اجوي العالم
سيف . تمام 5 دقايق وجاي
بنين . تمام
سيف . كمت من مكاني عدلت شعري ولبست دشداشه ويشاغ ونزلت جوه رحت للمضيف اخوانهه جانوا جايين وابوهه وعمامهه وولد عمامهه همين واحنه عمامي وولدهم كلهم جايين كعدنه وابويه حجه
سعد . ابو محمد اني طلابه عندي وياك اليوم
ابو محمد . خير طلابة شنو
سعد . انه لو انطيك وحده من بناتي وتصير جنه عدكم وتشوفوهه مدت ايدهه على حلالكم شتسوون
ابو محمد . ما ابقيهه عدي بالبيت ادزهه الاهلهه وهمة يتصرفون وياهه
سعد . رحم الله والديك هاي وحده والثانيه انه لو واحد من ولدي يطب البيتكم بدون ما انتو تدرون وبس حرمكم بالبيت ويعتدي على وحده من حرمكم شتسوون بي
ابو محمد . اكص راسه واخلي جوه النعال بس انته الحد هسة ما كتلي شنو الصاير
سعد . انه اليوم رحت دا اشتري نيشان ابني ومحد باقي بالبيت بس البنات والحارس رجعت ما صارلي ساعه انه من طبيت للبيت شفت بتي طايحه بالكاع وباقي البنات واكفين على صفحه وابنك شايل السجينه يهدد بيهن
واخته ورا انه هم ابني راح كمشه واخذ السجينه منه كتلهم بويه شصاير كلولي والله بويه احنه جنه كاعدين شفنه مرت ستار
كامت راحت الغرفة الفلوس رحنه وراهه شفناهه طلعت وبيدهه هاي الجنطه ... طلعلهم الجنطه ... كتلهم ميخالف يجوز احتاجتهن كالن والله بويه هية دائما تروح للغرفه
من انتو تطلعون وتاخذ فلوس كتلهم ليش محجيتوا كالن احنه ما ردنه نسوي مشاكل انه هم كلت ميخالف هاي بس اخوهه ليش اجه
كالن بويه احنه كنالهه ليش اخذتيهن كالت هية دفعتنه وراحت دكت على اخوهه وجايينه للبيت وكاتل البنيه ضاربهه على راسهه ... وهاي سجينت ابنك ... طلعلهم السجينه ... كلتلهن زين منو يكول هية تروح تاخذ فلوس
كالن احنه ما ندري شني تاخذ ستار كال امشوا نروح نشوف الغرفه طبينه للغرفه فتحنه البوفيه مال الميز مالتهه طلعن كل الفلوس بيهه ذني هنة 13 دفتر ومن كنالهه ساعه تكول
ما ادري وساعه تكول امي انطتني ياهن ... طلعلهم الفلوس ... ومو بس هذن بتك على جبيرنه وصغيرنه تتجاوز وما تحترم لا جبير ولا صغير وبعد شوفوا انتو شلون تتصرفون وياهه
