ايات بجذب . ما اعرف
حنان . صعدي شوفي
ايات . اوك ... صعدت فوك تقريبا خمس دقايق ونزلت وكلت ... مموجود
حنان . لعد يمكن راح
ايات . يمكن
حنان . اكلج شنسوي غده اليوم
ايات . والله اني نفسي متريد اي شي
حنان . اي ادري نفسج متريد اي شي بس شنسوي
ايات . وصي من بره
حنان . اي والله خوش فكره
ايات . اممم يما
حنان . ها
ايات . اذا شردت من البيت شتسوون
حنان . نطش وراج جكليت
ايات . اوك ... كمت رحت فوك للغرفه قفلت الباب وطفرت ع جربايه فتحت الحاسبه وكعدت اباوع مسلسلي ساعتين تقريبا مليت ودخلت ع حسابي شفت جاييني تنبيه من حسابي غلست ونشرت فيديو بس اني والبنات نكدر نشوفه محتوى الفيديو
( السيء في الزواج ليس الضروف
بل ان تعيش مع شخص لا تريده )
سديت الحاسبه وغفيت حته منمت والله العظيم دقيقه مطول المبايل احترك حرك شفته هوة
يم سيف
سيف . طلعت من بيتهم ورحت للشركه شفت محمد اهناك سلمت علي ورحت للمكتب وصار عندي شغل بالموقع رحت وتاكدت من الادوات والغراض وشكلنه الجديد بيهن ووخرنه القديم خلصت ورجعت للمكتب فتحت المبايل وفتحت حسابهه شفتهه ناشره الفيديو اني عيوني صارن بكصتي كبل دكيت عليهه بقيت ادك فوك ال 75 مره دكيت عليهه يلا جاوبت
ايات . ال.....
سيف بعصبيه وعياط . شنو هذة الفيديو الي ناشرته حضرت جنابج هاااااا معاجبج اني لو مو بعينج لو اكو غيري وتريدين ترحيله متحجين شبيج ساكته لو لان تعرفين بنفسج غلط مدتحجين
ايات بعصبيه . اولا احترم نفسك ثانيا اني مناشره شي يخصك ثالثا عيب عليك تكول عندج احد شوف انته هلكد ما عندك بنات عبالك امة محمد كلهه مثلك
سيف بعصبيه . هسة اني طلعت ابو بنات مو ست ايات اني اعلمج
ايات بعصبيه . علم نفسك بالاول بعدين تعال كول اني اعلمج روح شوف نفسك بالاول وتعال احجي افتهمت لو لا .... سديت الخط بوجهه وقفلت المبايل ونمت
سيف . الوووو ... سدت الخط بوجهي اني مو بس وجهي صار احمر من العصبيه حته خشمي طك دم
سيف بعصبيه . سجااااااااد
سجاد بخوف . نعم استاذ
