سيف . صدكي اني هسة اكدر اخذج وماعندي اي مانع والله بس ما اريد اسويهه هسة حته ما اتندم بعدين
ايات . هوة هيج كال اني دموعي نزلن
سيف . شابكتهه وكلت ... لتبجين اني مكلت رح اخذج ولا كلت اريد اخذج عليش هذة البجي بعد
ايات بجي . عوفني حباب
سيف تنهد . ربع ساعه واطلع والله بس انتي ابقي هيج لتسوين ... رفعتهه وخليت وجهي بركبتهه اشتم بعطرهه الي جنت اتمنه اشمه ولو المره وحده بهذني الاربع سنين العرفتهه بيهن مر تقريبا عشر دقايق واحنه ع نفس الوضع باوعت عليهه شفتهه نايمه كمت نزعتهه الاحذيه وفتحت شعرهه نزعتهه الجاكيت خليتهن كلهن بمكان واحد بستهه من خدهه غطيتهه وطفيت الكلوب سديت الباب وطلعت رجعت النفس الغرفه وكبل تمددت وشابكت المخده واتخيلهه هية وكبل غفيت
في الصباح
ايات . كعدت ساعه 8 ونص على صوت امي تكعد بيه
حنان . ولج كومي يمعوده
ايات بنعس . ها
حنان . كومي ساعه 8 ونص كومي حته نروح
ايات . وين
حنان . نروح نقدم ع اوراق مالاتج مال النقل
ايات . يمه والله مالي خلك اروح
حنان . هوة بكيفج مالج خلك كومي يلا
ايات . اي .... امي راحت اني كمت استوعبت الي صار البارحه كمت غسلت وصليت وبدلت لبست بنطرون اسود وقميص ابيض ورفعت شعري لبست احذيه ابيض تكرمون خليت شويه مسكاره وبلشر وتنت وعطر اخذت المبايل ونزلت جوه
ايات . صباح الخير
الكل . صباح النور
ايات . يما ابويه وين
حنان . طلع هوة ورجل خالتج
ايات . خاله صدك ليش متجين ويانه
حنان . صار ساعه اكوللهه تكول ما اكدر
ايات . خاله شعندج بالبيت تعاي غيري جو شويه
منال . ميخالف اجي بس تروحين تكعدين سيف
ايات . من هيج كالت اني صوفرت صرت عبالك قطعه مال كركم ... ها مو هوة طالع يمكن بالدوام
منال . لا نايم فوك مو بالدوام
ايات . خاله زحمه اروح
منال . ولج يا زحمه هوة غير رجلج صار
حنان . مو كتلج نسخه من سمر السانهه 40 متر ومن تحجين وياهه تكلج مو عيب مو زحمه مو ميصير
منال . اني اذا اصعد فوك بعد ما اكدر اجي وياكم واني احب اطلع افتر اهنا بس شنسوي خل اكوم
ايات . اني موليه اكعده 😑
منال . اي هيج كولي من الاول
ايات . صعدت للغرفه دكيت الباب مسمعت صوت دكيت مرتين و 3 هم مسمعت صوت فتحت الباب وطبيت رحت للجربايه شفته نايم بملابسه
