ايات . بقينه نسولف ونضحك واجن الحلويات وكعدنه ناكل
سيف . حولت مكاني اني وسامر وصرت كبالهه بس هية ولا شالت عينهه ولا باوعت ولا التفتت اصلا وصل طلبنه وكعدت اكل واباوع عليهه
سامر . سيف نضراتك كلهه قهر ليش
سيف بقهر . سامر كوم خل نطلع منا
سامر . ليش بعدنه ممكملين
سيف بقهر . رح اطك اني كبالهه ابقه انته اهنا اني بعد ما اتحمل ... كمت من مكاني رحت حته ادفع مجان عندي خرده بس 50 الف صمط انطيته يا بدون اي كلام عفته ورحت حته مأخذت الباقي صعدت بالسياره وهمة طلعوا وهية تحجي ويه امهه وتضحك واني بالسياره كاعد اباوع واتحسر ع كل لحضه مرت من عاملتهه مو خوش معامله باوعت عليهه رادت تصعد بالسياه ويه اهلهه وعثرت ووكع مبايلهه ردت انزل بس شفتهه شمرت المبايل بالحاويه مال الزباله (اجلكم الله) وصعدت بالسياره وراحت نزلت ع سريع كبل جبت المبايل ورجعت للسياره وصعد سامر
سامر . ها مبايل منو هذة
سيف . مبايلهه
سامر . منين جبته
سيف . وكع منهه وهية شمرته واني رحت جبته واجيت
سامر . اكلك شو انته كلش متعلق بيهه متنساهه عاد
سيف . اكله احبهه 4 سنين وهسة يريدني انساهه انته صدك تحجي
سامر . اي عيني لتنساهه ابقه عايش على ذكرياتهه لعد
سيف . خليت المبايل بالجكمجه وسديتهه ومشينه
سامر . وين نروح هسة
سيف . نفتر بالسياره
سامر . خوش لعد خل نشغل شي
سيف . تمام ... بقينه نفتر ونسمع اغاني سامر عايش الجو ويتمركص بصفي واني ولا يمه اصلا باوعت ع ساعه شفتهه ساعه 11 ونص بقت الاغاني مشتغله الحد ما اشتغلت اغنية عيسى الفضلي
مال ( علي كلما يمرون )
والله مبقت صوره وضحكه وابتسامه الهه مأجه كدامي كل يوم وكل لحضه وكل ساعه وكل ثانيه جنه بيهه سويه اجت كدامي دموعي نزلن للمره الثالثه من وراهه
ولفت السياره بسرعه والله وكيلكم مشيت بسرعة 200 بوكتهه
سامر . هاي شبيك سيف تخبلت رح تكلب السياره بينه
سيف . لا رد بس يسمع ويبجي ويسوق بسرعه ... محسيت بروحي غير طابك اباب بيتهم ونزلت من السياره دفرت الباب بكل قوتي وطبيت للبيت
سامر . هوة نزل واني نزلت ع سريع ورا
يم ايات
ايات . اكلنه وخلصنه وطلعنه ردت اصعد عثرت ووكع مبايلي الشاشه مالته انكسرت ذبيته بالزباله وصعدت بالسياره رجعنه للبيت غسلت وبدلت لبست تراكسود ونزلت جوه كعدنه اني وماما نباوع المسلسل لان بابا راح نام صارت ساعه 11 وعشره سمعنه صوت الباب اندفر بكل قوه اني وماما فزينه من مكانه وبابا طلع من الغرفه ع سريع وجان ما اشوفلكم غير سيف واكف كبالي
