سيف . همة كلهم حنو اني دكوا عليه التهيت بالمبايل خلصت وشفتهه كاعده مراحت امي وخالتي وخروا من يمهه هية بقت كاعده وحدهه ومحد يمهه رحت اخذت الحنه ورحت كبالهه وكلت
سيف . فتحي ايدج
ايات . بتسمت وكلت ... تفضل
سيف . حنيت ايدهه وطلعت 10 اوراق وخليت بيدهه وطلعت طلقه من الشاجور وخليته بيدهه ويه الحنه وسديت ايدهه وكلت ...
_ايدج الثانيه احنيهه بعرسنه
ايات . عود ليش خليت طلقه
سيف بجذب . حته شوكت ما تضوجين تضربيني بيهه
ايات . تعال اني هم احنيك ... اخذت من الحنه وخليت ع اصبعه ونزعت وحده من محابسي ولبسته يا وكلت
_ المحبس الثاني رح يكون حلقة زواجنه
سيف . لشوكت نبقه ننتضر ؟؟
ايات . الحد اخر لحضه بعمرنه
سيف . حته لو خلص عمري ابقه انتضرج بكبري
ايات . كافي رح ابجي والله
سيف . ما عاش الي ينزل دمعه من عينج
بنين . سيف تعال يلا
سيف . بستهه من كصتهه ورحت يم ابو القاعه وكتله يشغل اغنية ( مخبل وحبك موت ) ( جماعة نسيت اسم المطربب سيف كلي يا بس نسيتههههه )
ايات . هوة شغلهه واني كمت اركص ويه البنات وهمة يركصون ويانه
سيف . كمنه نركص الحد ساعه 10 بالليل خلصت الحفله وطلعنه من القاعه وكلت ... ها تسوقين انتي
زينب . لا عفيه هسة تكلب بينه السياره
سيف بعصبيه . الصمي انتي معاجبج ولي ويه اهلج اني مكايلج تجين
ايات . والله ردت اسوق بس حنيت للاسف ... ورفعت ايدي حته تندق الخاتون
سيف . يلا لعد صعدوا
ايات . صعدت بسرعه بالصدر والباقين كعدوا وره وهوة صعد يسوق
بنين . ولج منو حناج مو كلتي الامي ما احني
ايات باستفزاز . اي لان ردت احد يحنيني ... غمزت البنين هية عرفت
مريم . لا ومخلين بأيدج فلوس شكد بله
ايات . ما اعرف والله
عذراء . شو بله فتحي ايدج احنه مالتنه طلع فاتح لونهن
ايات . فتحت ايدي همة كلهم اجوي خلوا راسهم من شافوا الطلقه كلهم انصدموا
زينب . اجتي العرسنه وباكت من ولدنه
ايات . عاشت ايدي جان يصير براسج خير وتبوكين من ولدكم اني بدون ما احجي وهمة يجوني سحل انتي ذابه روحج عليهم ومحد مكلبج
