سيف . حبي محد يكدر يفتح حلكه من اني اكول شغله
ايات . هاك تفضل انوب رح يصير مشاكل بينك وبين اهلك ورح يكولولك كله من وره مرتك ف شلي بهل دوخه كلهه
سيف . سكتت اني محجيت شي بعدين كلت ... اهلي معليهم اذا اني خليتج تكملين دراستج
ايات . شوف اني مو بس من اهلك بالعكس اذا تجيهه من امك ومن ابوك ف ثنينهم يكيفون ع دراسه بس خواتك رح ينقهرون
سيف . ليش
ايات . لان انته مخليتهم يكملون رغم انو همة خواتك وكلكم طالعين من نفس البطن ورح تخلي بت خالتك الي هية اصلا لا عرفه ولا ورفه بيكم تكمل هيج رح يصير تفرقه ووره التفرقه مشاكل
سيف . بس هذة السبب
ايات . وبعدين زواج ومدرسه ميرهمن سويه
سيف . شلون
ايات . اذا تزوجت لازم اطبخ وانضف واغسل اما اذا متزوجت ف امي رح تسوي هذني واني ابقه ملتهية بالدراسه
سيف . امي تساعدج
ايات . انداريت علي وكلت ... انته كل عقلك دتحجي ؟
سيف . اي
ايات . حشه خالتي ليش اني من اجي قابل رح اسويهه خدامه اليه مثلا لو شنو
سيف . لا بس يعني تسوي اكل وكذا
ايات . رحمه الربك سد الموضوع
سيف . بصراحه كبرت بعيني كلش من هيج حجت بقت تدافع الامي والخواتي وكلت ... زين الزم خدامه تنضف وتسوي وانتي بس اقري وبالعطله عود ندزهه الاهلهه ونبقه بس اني وانتي
ايات . متاكد ؟
سيف . والله
ايات . واذا تراجعت عن كلامك ؟
سيف . وربي ما اتراجع
ايات . الله كريم
سيف . يعني اذا حجيت ويه ابوج حته نقدم الزواج تقبلين ؟
ايات . اي ... وهذة جان اسوء اسوء اسوء قرار اخذته بحياتي كلهه
سيف . الله عليج صدك رح تقبلين ؟
ايات . اي والله
سيف . خير انشاء الله ... اني هيج كلت والفرحه مواسعتني ولا شويه بقيت ساعه اتبسم وساعه اضحك من الفرح
ايات . شبيك جنك ممصدك
سيف بابتسامه . الدنيه كلهه مواسعتني هلكد ما فرحان وربي الحد هسة ممصدك
ايات . اممم
سيف . وين تريدين ناخذ بيت ؟
ايات . لا يم اهلك ولا يم اهلي
سيف . وين لعد
ايات . ما ادري
سيف . انتي وين يعجبج
