سيف . رجعنه للبيت ساعه 8 كلمن راح الغرفته لان تعبانين كلش والباقين رجعوا البيتهم بدلت وخلصت ونزلت جوه تعشينه وكملنه طلعت افتر اني الولد رجعت ساعه 12 ونص بالليل ونمت
يم ايات
ايات . همة راحوا اني كمت بدلت وخلصت رحت صليت ونزلت جوه تعشينه ولمينه البيت ونضفنا صارت ساعه 10 ضبط رحت نمت
في الصباح
سيف . كمت الصبح ساعه 8 ونص بدلت ونزلت جوه شفتهم كاعدين يتريكون ... صباح الخير
الكل . صباح النور
سعد . ليش ممبدل ؟
سيف . ليش هسة نروح ؟
سعد . اي بيلما نوصل ونخلص
سيف . خوش اني اتريك واروح ابدل بس لحضه منو رح يجي ويانه
سعد . اني وانته وامك وبيبيتك تريد تجي
سيف . خوش
مريم . يمه ممصدكه ايات رح تجي يمنه وتصير منه وبينه
منال . والله اني هم ممصدكه
عذراء . بس كون شغلتهم تكمل على خير بدون مشاكل وعرقله
منال . تكمل ان شاء الله
سيف . خلصت ريوك ورحت بدلت وكملت اندك الباب ... منوووو
عذراء . اني
سيف . طبي
عذراء . سيف عادي احاجيك بموضوع بس الله عليك لتكول يم احد
سيف . كولي
عذراء . باوع اني ما اريد اشيل غيبت احد بس رح اكلك الي شفته
سيف . تمام
عذراء . تتذكر ذاك المره من سألته منو مطلعه فلوس من الكنتور
سيف . اي
عذراء . اكثر من 4 مرات شفت مرت ستار من انته تطلع تروح تاخذ المفاتيح وتدخل للغرفه ومن تطلع بيدهه جنطه
سيف . شوكت شفتيهه
عذراء . اول مره قبل اسبوع بالليل من انته طلعت احنه رحنه نمنه كمت حته اروح للمطبخ شفتهه يم الغرفه صعدت وراهه وهية طبت للغرفه وثاني مره من اخذت امي للسوك هم طبت طلعت غراض وراحت وبقت كل ما تطلع من الغرفه تدخل للغرفه وكل ما تطلع اشوف بيدهه جنطه صغيره
سيف . عذراء انتي متأكده تطب تاخذ فلوس
عذراء . سيف كتلك اني ما اريد اشيل غيبتهه بس هية كل ما تطب من تطلع اشوف بيدهه جنطه صغيره بعد تاخذ فلوس تاخذ غير شي ما اعرف ليش اجذب عليك واشيل بختهه
سيف . المفاتيح مال الغرفه هسة هنة يم منو
عذراء . بالكاونتر يم امي
سيف . هاي عود مليون مره كلت الامي لتخليهن اهناك
عذراء . ليش متبدل المفتاح مال الغرفه مو احسن ؟
