سيف . حبي اذا ما اروح رح يتراكم الشغل عليه ومابيه حيل بعدين
ايات . اجي وياك ؟
سيف . تسوين فضل
ايات . يلا بدل بيلما اكمل اني هم
سيف . تمام عمري
ايات . راح هوة يبدل اني طلعتلي فستان ابيض طويل ومخصر وبي فتحه بس مو كلش طويله ولبست فوكا جاكيت اسود رحت سبحت بسرعه وطلعت نشفت شعري وبقيته مفتوح خليت مرطب لان رح اطلع كبل وخليت ايلاينر وبلشر وحمره ترابيه خليت عطر ورحت طلعت احذيتي
سيف . ها ها وين رايحه كل حته تكشخين كل هل كشخه
ايات . حبيبي ممكشخه مجرد فستان عادي
سيف . لا عمري روحي نزعي كلش ضيك من وره مطلع معاني جسمج لبسي غيره
ايات . شلبس
سيف . ليش متجين بالتراكسود
ايات . نوو
سيف . لبسي ذاك الفستان البيجي كلش حلو وعريض مبين
ايات . تمام ... رحت لبسته وطلعت ... ها شلونه
سيف . حبي شنو انتي تتعمدين تشتريهن كلهن ضيكات من وره لو انتي خلفيتج هيج جبيره
ايات . حبي هنة كل الفساتين هيج
سيف . روحي جيبي عبايت خالتي لبسيهه
ايات . بصراحه اني جنت متعاجزه اروح ف رحت علي وكلت ... حبي تره محد رح يشوفني لان منا رح اصعد وياك بالسياره وبالشركه رح ابقه بمكتبك
سيف . لا روحي جيبي العبايه
ايات . خل بس هل مره اجي بدون عبايه
سيف . لا
ايات . قربت علي اكثر ولفيت ايديناتي ع خصره وكلت ... هل مره بس
سيف . واذا صارت مره ثانيه
ايات . لا ابد
سيف . نشوف يلا بسرعه خلصي حته نطلع
ايات . يلا حبيبي كملت ... اخذت جنطتي خليت بيهه مبايلي وفلوس وعطر وحمره
سيف . عمري بعد متريدين تخلين الغرفه كلهه
ايات . حبيبي هذني اساسيات جنطة كل انثى
سيف . فديت الانثى الي عندي
ايات . يلا نروح
سيف . يلا
ايات . طلعنه من الغرفه وسديت الباب ونزلت جوه طلعت سيف من الباب الخلفي ورحت الغرفة امي وابويه
ايات . ماما ... ماما
حنان . ها شكو
ايات بجذب . يما تبارك امهه بالمستشفى وهية وحدهه بالبيت رح اروح يمهه
