سيف . حبيبي سدي الموضوع
ايات . لا ما اسده اذا تقبل يكملون اني اكمل وياك عمري كله واذا لا ف والله تعذرني اني هسة اكوم اخذ سيارتي وارجع وتحلم بعد تشوف وجهي
سيف . ليش
ايات . مع كامل احترامي الك بس الي يمنع خواته من الدراسه وهوة مكمل هذة فد واحد اناني وعقله محجر واني مستحيل اعيش ويه هيج انسان
سيف . يعني اني هسة بنضرج اناني وعقلي محجر
ايات . ورجعي همين
سيف . انتي جايه الكربلاء
ايات . اي
سيف . قصدي يعني عايشه بيهه قبل
ايات . لا
سيف . حبي انتي لتحسبين نفسج متدورين سوالف تعبانه احنه اذا عفنه بنات عمي ثانيه وحده بالشارع ميبقن واحد بكربلاء مينامن ويا انتي صدك تحجين
ايات . وخواتك شعليهم ابنات عمك
سيف . اذا خليناهم يكملون همة هم رح يلعبن بعقل ابوهن ورح يكول بناتي هم يكملون ويرحون يخلون راسنه بالطين
ايات . اني ردت بأي طريقه اقنعه وكلت ... هسة معقوله انته سيف الي كلهه ترجف منك ومسوي خوفه بأمة محمد كلهه تخاف من حجي عمامك
سيف . حبي هية مو سالفة خوف بس رح يروحون يسمعون خواتي حجي يأذيهم واني ما اريد هذة الشي يصير
ايات . حبيبي انته بس سويلهم الاوراق ومعليك بعد بالباقي
سيف . شلون
ايات . اني أاجل سنه كليه واجي الكربلاء اخذهم واجيبهم واني محد يكدر يفتح حلكه ويايه ويكلي ليش تطلعين وليش تطبين
سيف . واذا اجوي البيتنه شلون
ايات . اسهل منهه ماكو خلي خاله تكول نايمين لو راحوا ينامون لو تعبانين لو رايحين خطار هيج اي حجه
سيف . ميخالف اقبل
ايات بفرحه . صدكك
سيف . اي والله بس بشرط
ايات . وهوة
سيف . تحاولين ويه ابوج حته يقبل نتزوج
ايات . تمام ... اني جنت واثقه ميه بالميه ابويه رح يقبل ف لذلك هيج كلت
سيف بخدر . حبيبي
ايات . ها
سيف . اريدج
ايات . مو هياتني
سيف . اريدج بس اليه
ايات . هوة اني بس الك حبي ما اروح الغيرك
سيف . كمت ابوس بركبتهه واعض بيه
ايات . سيف شبيك
سيف . لا رد مستمر يبوس ويعض
