ايات . خلصوا همة همين وطلعنه
خالد . ها وين نروح
ايات . كاهي وكيمر الرسول
خالد . شتكولون
سعد . اي والله اني بنفسي كيمر من يمهم
خالد . امشوا لعد
ايات . صعدنه بالسياره ورحنه للمطعم اني نزلت كاهي بدون كيمر والبنات اخذوا ويا كيمر وامي وخالتي نزلوا تكه لحم وتكه دجاج اني كعدت اكل ومحمد كام يبجي
حنين . هم شكو زربت على روحك
مريم . شبيج يجوز جوعان
ايات . بدون زحمه
العامل . تفضلي
ايات . كلاص حليب سفري وويا كصبه
العامل . حاضر
ايات . مو زين تنطوا حلا من الصبح
بنين . وربي امه مجانت تسوي هيج اي شي جانت تجيب وتدحس بحلكهم
ايات بغباء . صدك امهم وين وابوهم وين ؟
عذراء . راحت زعل.... بعدني ممكمله مريم ضربتني على رجلي من جوه الميز
مريم . راحت الاهلهه
ايات بغباء . ليش
مريم . صار سوء تفاهم بينهه هية وعلي
ايات . اها انشاء الله ينحل سوء التفاهم
مريم . ان شاء الله
ايات . كملنه اكل وكمنه طلعنه من المطعم فترينه بالصدريه وانوب مشينه للشورجه ورحنه السوك الغزل فترينه واخذنه صور ورجعنه للفندق ساعه 3 الضهر لان هلكنه بعد لمينه الغراض مالاتنه ورتبناهن بالجنط وبابا نزلهن للجنطه مال السياره حته الغرفه لتنخبص واصلا لان بالليل نرجع للكوت تمددت ع جربايه واخذتني النومه
يم سيف
سيف . مر يومين واهلي مو بالبيت ومحد اكو بس ستار وعلي ومحد اكو يسويلنه اكل ف كمت اني عود ردت اسوي مخلمه
علي . عفيه بالسبععع
سيف . عفيه بالتنبللللل
ستار . سويلنه وياك الله عليك
سيف . هاك لعد اثرم الطماطه وانته كشر بتيته
علي . لو مجايين احسن
سيف . لعد شنو تريد تاكل بلوشي مثلا
علي . فكريات مو بيدك
سيف . احسن يلا كشر يلا ... همة بدوا يكشرون اني رحت كطت البصل وخليته بالدهن همة كملوا ثرم وتكشير وطلعوا من المطبخ وره ما حمست البصل خليت ويا الطمامه ودك مبايلي
سيف . عليييي تعاي للطماطه
علي . اي اي بس ولي ثبرتنه
سيف . اني اعلمك بس اجي ... رحت فتحت خط وطلعوا من الشركه بقيت تقريبا ساعه ونص بس احجي بالمبايل خلصت ورحت شفت علي وستار كاعدين
