سيف . عبالي حبيتي قبل
ايات . لا والله وكتلك مالي خلك حب ومدري شنو احسهه سوالف تافهه ما الهه اي معنه
سيف . لا بالعكس ماكو احله من الحب اذا جان ويه الشخص الصح
ايات . طبعا بس هسة وين تلكه شخص صح
سيف . يعني اختيارج اليه غلط ؟
ايات . متكدر تعرف صح او غلط الحد ما تعاشر البشر
سيف بجذب . خوش لعد احنه وره ما نتزوج اروح اجيب عليج وحده ثانيه
ايات . كمت ولزمته من لحيته وكلت ... شحدك تجيب عليه مره
سيف . مو انتي تكولين ما اعرفك صح لو غلط اني هم اروح اجيب وحده تخليني بس اني الصح
ايات . مو بكيفك ما دام اني ع ذمتك تحلم يصير عندك نسوان ثنين
سيف . لازم ازين لحيتي منا ورايح
ايات . حته بعد تقره ع نفسك السلام
سيف . غير انتي ملختيهه
ايات . عفته ورجعت المكاني ... متزين لحيتك بقيهه
سيف . ليش
ايات . بكيفي
سيف . مو كالولي تطلع حلو بدونهه
ايات . استقر عيني مهند حلاتك وين
سيف . والله اني اشك شك بس انتي مدري شبيج
ايات . عود اذا زينت لحيتك تصير عسكري بحت
سيف . اي وشنو يعني
ايات . انوب حته الرايح والجاي يكول ذوق العسكري
سيف . هههههههههههه
ايات . والله هذة الناقص تبقه بالشوارب
سيف . هاهية عمي ما ازينهه
ايات . شابكته من ايده رجعت خليت راسي ع جتفه وكلت ... عفيه هيج احسن
سيف . حبي مو جنه الجو صار حار
ايات . لا اصلا بارده
سيف . اني حارتلي
ايات . خاف مصخن ؟
سيف . ما اعرف
ايات . خليت ايدي ع كصته حرارته طبيعيه ... لا ممصخن بس ليش عركان ؟
سيف . تعوذت من ابليس بداخلي وطبكت يم اقرب محطه
ايات . ها هم خلص البانزين
سيف بجذب . اي ابقي اهنا بيلما اعبيهه
ايات . تمام
سيف . نزلت خليت مال البانزين بالسياره ووكفت اشرب جكاير الحد ما انترست السياره وخرتهه ودفعت الفلوس باوعت بالباكيت كامل جان من فتحته شفته مباقي بي بس 3 شربتهن وصعدت بالسياره
