ايات . كملت شعري بسرعه ولميته شلون ما جان وخليت عطر وكعدت انتضره
سيف . رحت للكراج الي يم منطقتهم خليت السياره اهناك وانطيت الفلوس اخذت الغراض ورحت مشي البيتهم رحت من يم جهة غرفتهه وصعدت الدرج الي مخلي همة وطفرت ع شباك غرفتهه شمرت الغراض بالغرفه
ايات . هاي شنو عزه بعيني ليش اجيت من الشباك جان رحت من يم الباب الخلفي
سيف . اني وع شباك باوعت عليهه وكلت ... من شوكت مسوين باب قنادري مو خلفي
ايات . من بديت امتحانات سادس
سيف . وليش مكلتي
ايات . انته منطيتني مجال احجي كلت بس بقي الشباك مفتوح واني هم بقيته مفتوح
سيف . بشرررررفج هاي دكه
ايات . ههههههههههه بس والله خوش تعرف تطفر
سيف . ايدج يمعوده رح اخذ زرك جوه
ايات . كمشته وسحبته للغرفه وهوة تمدد بالكاع دنكت علي وكلت ... من شوكت تعرف تطفر ع بيوت
سيف . من يوم التعرفت عليج بالانستا كلت اذا اهلهه منطوهه اطفر عليهم واخذهه
ايات . هههههههههههه يلا كوم من الكاع
سيف . مابيه حيل
ايات . تطب تسبح ؟
سيف . لا
ايات . جوعان
سيف . اي
ايات . شتريد اسويلك
سيف . اي شي
ايات . تمام كوم بدل ملابسك وارتاح بيلما اجي
سيف . اوك
ايات . طلعت من الغرفه وسديت الباب ورحت للمطبخ فتحت الثلاجه طلعت صدر دجاج وسلكته بسرعه وطلعته خليت البهارات والملح علي وخليته بالفرن انتضرته بيلما يصير 10 دقايق وطلعته رحت جبت الماعون والصينيه والصلصه وخليتهن ع صينيه وصبيت عصير اخذت الصينيه طفيت الاضويه وصعدت فوك وطبيت للغرفه شفته كاعد ع جربايه
سيف . هية راحت واني كمت بدلت لبست بس الشورت شمرت الملابس ع كرسي مال الميز الي تخلي علي مكياج كمت غسلت وكعدت انتضرهه واجتي بيدهه صينيه
ايات . يلا تعاي اكل
سيف . راحت هية خلت ع ميز واني كمت كعدت ع كرسي هية كامت ... وين رايحه متكعدين
ايات . اني اكلت
سيف . كعدي كبالي
ايات . امم ... جبت مبايلي وكعدت يمه وكلت ... اي شصار مصار بالبيت
سيف . مصار شي بس ابويه استلمنه دك حجي وره ما رحتوا وحجه ع مرت ستار وكلت الابويه علمود موضوعنه وكال هسة ابوج ميقبل من وره الي صار اني كتله فد شهر شهرين واحجي ويا كال ميخالف
