ايات . سلمت عليهم وع بنيه
سمير . والله بويه خوش مره مختار السيف
سعد . بكلبي كلت اخوك الارعن ميسوه شعرايه وحده من راسهه ... لهد شعبالك غير بت العزيز هاية
خالد . يلا امشونه
سعد . يلا
ايات . مشينه وجبات ابويه وعمو سعد وسمير ومرته وجهالة وجهال علي يم مريم وجهال ستار يم عذراء واني وبنين وحنين نمشي بالاخير
حنين . اكلج والله طالعه حلوه بهذة الفستان
ايات . كدامج كلبي
حنين . اشكرج حبي .. نصت صوتهه وكالت ... بنين هم لابسه مثله جوه العبايه
ايات . بشرفج عود اذا طبينه المحل ملابس خل اشوفه عليج
بنين . ليش
ايات . ما اعرف احس محلو عليه
بنين . اذا انتي محلو عليج لعد لو شايفته على حنين جان فطستي ضحك
ايات . ليش محلو عليهه ؟
حنين . لا ولج بس ... هم نصت صوتهه ... مطلع طي. شكبره انطيته الهاية
ايات . صدك لحضه انتو من تشترون فساتين وين تلبسوهن
بنين . شلون يعني
ايات . يعني اقصد من تطلعون لابسين عبي اكيد مو
حنين . اي
ايات . وبالبيت دشاديش لو شنو
حنين . دشاديش
ايات . لعد وين تلبسوهن
بنين . بالليل بالغرفه
ايات . جذب
بنين . والله شبيج احنه صح منلبسهن بره او بالبيت لان اهلنه او بالاصح سيف ميقبل بس ماما وبابا ميبقوهن بنفسنه يشترولنه ياهن ونلبسهن بالغرفه ونتكشخ بالغرفه وها اذا صارت جمعه مال نسوان بس او بس بنات هم نلبس ونتكشخ
ايات . مو اكول
حنين . بس مرات هم اذا اخوانه مو بالبيت هم نلبس ونتكشخ وكذا بس من يجون نشرد للغرفه🥲
ايات . اي هسة اني هم هيج اسوي بالبيت هوة بس اني وماما وبابا بالبيت من ابويه يطلع البس وانزل اكعد ويه ماما ومن يرجع اروح البس تراكسود
حنين . بس هوة ابوج مو حرام 🙂
ايات . اي بس احس عيب 🙂
حنين . نضريه ماسونيه هاي 😂
ايات . لعد شعبالج 😂 ... بقينه نمشي الحد ما وصلنه للمول مال المنصور
بنين . واووو
حنين . بنين صوتج فضحتينه
بنين . اني قبل 10 سنين جايه الهنا
