سيف . انفتح الباب وطلع ابوهه هديت نفسي حته ما اصخمهه اكثر مما هية مصخمه طبينه جوه
سعد . سلام عليكم
خالد . وعليكم السلام
سيف . ابويه سلم وستار هم سلم رحت دا اسلم علي دار وجهه وكال
خالد . تفضلوا للمضيف اخيتي تفضلي جوه يم اخيتج
سيف . امي راحت جوه يم خالتي اني باوعت ع غرفتهه شفتهه من الشباك دتروح ودتجي تحجي بالمبايل بسرعه طلعت مبايلي وفتحت حسابهه بسرعه شفتهه دتحجي ويه محمد فصلت الخط من يمي وحضرته واحنه طبينه جوه للمضيف وره شويه طبوا 4 رياجيل جوه سلمنه عليهم وكعدنه واجه ابوهه
سعد . يابه احنه اسفين نعتذر منكم وامسحوهه بوجهي هل مره
خالد . سعد انته من اجيت خطبتهه مني مو كتلك بنفس الساعه احسبهه جنتك بعد
سعد . صحيح
خالد بعصبيه . شوف اني الحد البارحه جنت حاسب سيف مثل ابني بس بعد الي سمعته اليوم ف والله العظيم لو اشوفه بشارع اروح بغير شارع
سعد . والله حقك اني اعرف ابني غلطان بس احنه يجوز نكدر نحل سوء التفاهم الي صاير
خالد بعصبيه . لا نحل سوء التفاهم ولا اي شي خل يطلك بتي وكلمن يروح بدربه
سعد . خالد انته استهدي بالرحمن مو كلشي ينحل بالطلاك
خالد بعصبيه . لا ينحل انته لو بتك اجتلك وكالتك رجلي مسوي ... حجاله كلشي وكال ... ترضاهه
سعد . باوع على سيف بعصبيه ويتوعد السيف بكلبه وكال ... والله العظيم والله العظيم اني هذة الحجي كله هسة اسمع بي بس من كتلهه بالسياره ام ستار حجتلي وحجيت علي وهياته اسأله
خالد بعصبيه . اذا متصدك هسة اني اصيحهه وهية تحجيلك كلشي
سعد . مو شغلت ما اصدك بس اني ما جنت ادري بهذة الحجي والله هسة منك يلا سمعت
خالد . ايااات .. ايات تعاي بابا
ايات . وره ما بابا فتحلهم الباب اني رحت للغرفه سمعت صوت مبايلي شفته محمد رديت علي
محمد . اكلج ابويه يكول شكو شصاير سياره اجت البيتكم
ايات . مصاير شي بيت خاله منال اجوي
محمد . متأكده مصاير شي
ايات . شبيك تلح كتلك ماكو شي
محمد . اوي شبيج نحسه صايره من انخطبتي الحد هسة
ايات . محمد تسكت لو ام.... بعدني ممكمله وانكطع الخط شفته صار خروج من حسابي استغربت كلش لان اني ممطيه رمز حسابي الاحد كلت معقوله المبايل علك بعدين كلت حته اذا يعلك ميصير تسجيل خروج من المبايل ذبيته ونزلت جوه شفت خاله منال سلمت عليهه
